medium

large

thumbnail

small

custom-size

Dreyri bauð upp á páskaeggjaleit í morgun

Dregið hefur úr norðan hvassviðri og vorið er handan við hornið

1536x1536

2048x2048

Vegagyðjan verður reist við Búðardal í dag

Nói Síríus selur páskaegg á hálfvirði

Margir í vandræðum á fjallvegum fyrir norðan

Gleðilega páska!

core/freeform

Á sex mánaða tímabili fjölgaði íbúum á Vesturlandi um 52, eða um 0,3%. Þann 1. maí síðastliðinn voru íbúar í landshlutanum 16.757. Íbúum fjölgaði í fjórum sveitarfélögum af tíu. Íbúum á Akranesi fjölgaði um 67 frá því 1. desember 2020, eru nú 7.732. Fjölgunin er 0,9%. Hlutfallslega mest fjölgar þó íbúum í Helgafellssveit þar sem fjölgaði um fimm, eða 7,7%. Það er næstmesta hlutfallslega fjölgun á landsvísu, en í Árneshreppi á Ströndum fjölgaði um 15%, eða um sex íbúa. Íbúar í Helgafellssveit eru nú 70. Í Hvalfjarðarsveit eru íbúar nú 654, fjölgaði um tíu frá 1. desember en það er fjölgun um 1,6%. Í Snæfellsbæ varð sambærileg hlutfallsleg fjölgun og á Akranesi eða um 0,9%. Þar eru íbúar nú 1.704 og fjölgaði um tíu frá 1. desember.

Fækkun varð í sex sveitarfélögum af tíu síðastliðna sex mánuði. Í Grundarfirði fækkaði um 20 manns eða um 2,3% og eru íbúar nú 850 talsins. Í Borgarbyggð fækkaði um 13 íbúa eða um 0,3% og eru þeir nú 3.752. Í Stykkishólmsbæ fækkaði um átta íbúa eða um 0,8% og eru nú 1.189. Loks fækkaði íbúum um þrjá í Eyja- og Miklaholtshreppi, einn í Dalabyggð og einn í Skorradalshreppi. Nú eru íbúar 117 í Eyja- og Miklaholtshreppi, 625 í Dalabyggð og 64 í Skorradalshreppi.

Íbúum á Vesturlandi fjölgaði um 52 á hálfu ári