Sindratorfæran verður í beinni á laugardaginn

Næstkomandi laugardag verður Sindratorfæran á Hellu, en það eru Flugbjörgunarsveitin á Hellu og Akstursíþróttanefnd Umf. Heklu sem standa að keppninni líkt og undanfarin ár. Þetta er í fyrsta skipti í rúmlega 50 ára sögu torfærunnar að hún er einungis sýnd í beinni útsendingu. Skjáskot er fyrirtækið sem ætlar að koma þessu heim í stofu til landsmanna með fjórum myndavélum, incar, drónum, lýsendum og öllu tilheyrandi, til þess að gera upplifunina sem allra næst því að vera á staðnum.

21 keppandi er skráður til leiks í tveimur flokkum, þónokkuð er um nýliða og nýsmíðaða bíla sem koma sterkir til leiks. Einnig nokkrir gamlir Íslandsmeistarar að mæta eftir nokkurt hlé. Því má búast við harðri baráttu. Sandbrekkurnar, áin og mýrin verða á sýnum stað. Hægt er að kaupa miða á útsendinguna á www.motorsport.is. Einn heppinn miðakaupandi verður dreginn út og nælir sér í 322 hluta Toptul verkfæraskáp frá Sindra. Útsending hefst uppúr kl. 09:00 og keppnin kl. 11:00.

Líkar þetta

Fleiri fréttir