Elskar að elda góðan mat og baka allskyns góðgæti

„Ég hef haldið úti samfélagsmiðlinum Matarlyst á Facebook, Instagram og Snapchat frá því árið 2018. Ég og Elísabet systir mín höfum verið í þessu saman en Elísabet hefur reyndar verið í öðru að snúast að undanförnu en vonandi kemur hún aftur með í þetta með mér sem fyrst,” segir Ragnheiður Stefánsdóttir á Akranesi í samtali við Skessuhorn. „Matarlyst hefur vaxið jafnt og þétt og ég á flottan hóp fylgenda. Þetta hófst þannig að ég var alltaf að snappa af og til á mínu snappi í mörg ár af því sem ég var að gera hverju sinni. Svo var fólk farið að biðja mig um uppskriftir og ég lét bara vaða og opnaði snappið og setti í framhaldinu uppskriftir inn á Facebook og Instagram og nota ég þá miðla mikið í dag. En með þessu fór ég út fyrir þægindarammann að mér fannst en svo voru undirtektir mjög góðar og ég efldist við það og fyrir mér í dag er þetta svo sjálfsagt og auðvelt. En það sem hefur reynst mér svo vel er að ég reyni bara að vera ég sjálf og hafa trú á því sem ég er að gera. Fylgja hjartanu og elta draumana.“

Nánar er rætt við Ragnheiði í Skessuhorni vikunnar, þar sem hún deilir jafnframt með lesendum girnilegum uppskriftum að mat og bakkelsi.

Líkar þetta

Fleiri fréttir

Gleðilegt sumar!

Skessuhorn óskar lesendum sínum, ungum sem gömlum, til sjávar og sveita, gleðilegs sumars.