medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Veðurstofa Íslands hefur gefið út skýrslu um jökulhlaupið sem varð úr Hafrafellslóni í vestanverðum Langjökli 17. ágúst 2020. Lón þetta hefur verið að myndast frá síðustu aldamótum vegna hörfunar jökulsins. Hlaupið úr lóninu leitaði sér fyrst farvegs í Svartá undir Hafrafelli, við vesturjaðar Langjökuls og þaðan út í Hvítá. Íbúar í uppsveitum Borgarfjarðar urðu varir við það 17. ágúst að hlaup væri hafið í farvegi Hvítár og gætti áhrifa þess alla leið niður Hvítá og var raunar einnig sjáanlegt á firðinum þar sem leirburður óx til muna. Hlaupið fyllti farveg árinnar undir Hvítárbrú í Húsafellsskógi ofanverðum en neðst í Hvítársíðu hækkaði um einn metra þannig að eðja barst upp á engjar. Í atganginum drapst eitthvað af fiski í ánni, meðal annars lax sem skolaði upp á áreyrar neðan við Hraunfossa. Heildarrúmmál hlaupvatnsins er áætlað 3,4 milljónir rúmmetra og verulegt magn af hlaupseti barst fram. Samkvæmt gögnum úr vatnshæðarmæli við Kljáfoss nam hámarksrennsli í hlaupinu um 260 rúmmetrum.

Sérfræðingar á Veðurstofunni og aðrir skýrsluhöfundar segja hættu á fleiri hlaupum úr lóninu á komandi árum. Í skýrslunni er bent á að ísinn sem liggur að lóninu sunnanverðu hafi þynnst að jafnaði um þrjá metra á ári og getur vatnsþrýstingur lyft jöklinum svo hlaup hefjist með litlum fyrirvara þegar vatnsborð í lóninu rís nógu hátt. Hætta er því talin á fleiri hlaupum úr lóninu á komandi árum og er lagt til að lónið verði vaktað að sumarlagi með athugun tunglmynda. Einnig segir í skýrslunni að æskilegt væri að setja upp vefmyndavél og e.t.v. vatnshæðarmæli við lónið þegar hlaup er talið nálgast.

<a href="http://vedur.is/media/vedurstofan-utgafa-2021/VI_2021_001.pdf">Skýrsluna í heild má finna hér</a>

<img class="wp-image-43077 size-medium" src="https://skessuhorn.is/wp-content/uploads/2021/03/Telja-likur-a-fleiri-hlaupum-ur-Hafrafellsloni-i-Langjokli_1-600x450.jpg" alt="" width="600" height="450" />

Myndin var tekin af Hvítárbrú ofantil við Húsafellsskóg daginn eftir að hlaupið fór í ána. Á myndinni má glöggt sjá að árfarvegurinn náði nánast upp í brúargólfið þegar mest var. Ljósm. Skessuhorn/mm.

Telja líkur á fleiri hlaupum úr Hafrafellslóni í Langjökli