Flosi H. Sigurðsson.

Flosi ráðinn sviðsstjóri hjá Borgarbyggð

Flosi H. Sigurðsson hefur verið ráðinn sviðsstjóri stjórnsýslu- og þjónustusviðs Borgarbyggðar. Sveitarstjórn samþykkti ráðninguna á fundi sínum í dag.

Flosi lauk BA gráðu í lögfræði árið 2008 og MA gráðu í lögfræði 2010. Sama ár öðlaðist hann réttindi til að flytja mál fyrir héraðsdómi og árið 2018 hlaut hann réttindi til að flytja mál fyrir Landsrétti. „Flosi hefur undanfarin ár unnið sem framkvæmdastjóri og lögmaður hjá OPUS lögmönnum, auk þess er hann einnig einn af eigendum stofunnar. Sérsvið hans hafa verið forsjármál, fjárskipti, skiptastjórn og stjórnsýslumál. Þar áður var hann framkvæmdastjóri Greiðslu ehf. samhliða því að sinna stundakennslu við Háskóla Íslands,“ segir í tilkynningu frá Borgarbyggð.

18 umsóknir bárust um starf sviðsstjóra en einn umsækjandi dró umsókn sína til baka.

Líkar þetta

Fleiri fréttir