medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Landbúnaðarháskóli Íslands tekur þátt í stóru Evrópuverkefni, Future Arctic, sem hlotið hefur 700 milljóna króna styrk til fjögurra ára. Um er ræða stóra rannsókn á þurrlendisvistkerfum. Markmið verkefnisins er að skoða hvernig íslenskt graslendi og skógar bregðast við breytingum í loftslagi og loftgæðum. Í verkefninu er rannsóknaraðstaða skólans að Reykjum í Ölfusi nýtt til þjálfunar fimmtán doktorsnema í vistfræði, erfðafræði, lífeðlisfræði, verkfræði og tæknifræði. Auk þeirra doktorsnema sem eru innritaðir í LBHÍ eru nemendur innritaðir við aðra háskóla, svo sem í Austurríki, Belgíu, Danmörku, Eistlandi og á Spáni. Auk þessara háskóla koma sex einkafyrirtæki að þjálfun nemanna, svo sem drónafyrirtækið Svarmi ehf.

„Ástæða þess að verkefnið er unnið hérlendis er sú að eftir Suðurlandssjálftann í maí árið 2009 röskuðust jarðhitakerfi á um fjögurra km löngu svæði á Reykjum. Berggrunnur undir áður köldum svæðum tók þá að hitna, bæði undir náttúrulegum graslendum og ræktuðum skógum. Þetta skapaði einstaka náttúrulega tilraun um hvað gerist í náttúrunni í kjölfar hlýnunar. Árið 2011 hófst forverkefni á svæðinu sem fékk nafnið ForHot. Var það samstarfsverkefni LBHÍ, Rannsóknastöðvar skógræktar á Mógilsá, Náttúrufræðistofnunar, Háskólans á Akureyri og Háskóla Íslands. Fyrstu niðurstöður þess verkefnis voru kynntar á ráðstefnum erlendis og kviknaði mikill áhugi í kjölfarið,“ segir í tilkynningu frá LbhÍ.

Í dag eru þátttakendur í þessum rannsóknum á Reykjum alls 51 vísindamaður, sjö nýdoktorar og 22 doktorsnemar og þrír meistaranemar frá 31 stofnun og háskólum frá 15 löndum, þar af 13 Evrópulöndum. „Þetta er því ein allra stærsta náttúrufræðirannsókn sem er í gangi á Íslandi í dag.“

Viðamikil náttúrufræðirannsókn gerð að Reykjum í Ölfusi