medium

thumbnail

small

custom-size

Aukin hætta á fuglainflúensu með komu farfuglanna

large

1536x1536

2048x2048

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

core/freeform

Lið ÍA í knattspyrnu karla fékk skell gegn Íslandsmeisturunum í KR þegar liðin mættust í 13. umferð Pepsi Max deild karla í Vesturbænum í gærkvöldi. KR vann fyrri leik liðanna í sumar, 2-1, sem fram fór á Akranesi svo Skagamenn áttu harma að hefna gegn Vesturbæjarliðinu.

Fyrsta mark leiksins kom strax á 4. mínútu. Þar var að verki Atli Sigurjónsson sem náði boltanum af  Aroni Kristófer Lárusson hjá ÍA og smurði boltanum með vinstri fætinum upp í fjærhornið.

KR-ingar voru með yfirhöndina að mestu eftir að þeir komust yfir og sóttu hart að marki Skagamanna í kjölfarið. Annað mark KR kom svo á 39. mínútu. Skagamenn rétt misstu af marki þegar Ísak Snær Þorvaldsson skallaði boltann í þverslána. Í kjölfarið fengu KR-ingar skyndisókn þar sem Kristinn Jónsson átti fantagóða fyrirgjöf yfir á Atla Sigursjónsson sem skallaði boltann í stöngina og inn og KR 2-0 yfir í hálfleik.

Skagamenn komu ákveðnir inn í seinni hlutann. Strax á 48. mínútu náði Stefán Teitur Þórðarson að minnka muninn fyrir ÍA í 2-1. Töluvert fjör færðist í leikinn og á 68. mínútu fengu heimamenn skyndisókn. Kristinn Jónsson var þar aftur á ferðinni þegar hann skallaði boltann á Pablo Punyed sem náði að skrúfa knöttinn í netið af löngu færi og jók forskot sinna manna í 3-1. Pablo var svo aftur á ferðinni á 89. mínútu og kláraði leikinn endanlega þegar hann negldi knettinum í fyrstu snertingu utan teigs neðst í hornið. Lokastaðan 4-1 fyrir Íslandsmeisturunum.

ÍA dettur niður um eitt sæti og er nú í því 8. með 14 stig, jafn mörg stig og Víkingur R. í sætinu fyrir ofan og HK í sætinu fyrir neðan. KR fer upp um sæti og eru nú í því 5. með 20 stig. Efstir í deildinni eru hins vegar Valsmenn frá Hlíðarenda með 28 stig.

Næsti leikur Skagamanna er gegn HK og fer fram í Kópavogi sunnudaginn 13. september.

Tap gegn meisturunum