Töluvert dregur úr lausum störfum á vinnumarkaði

Laus störf á íslenskum vinnumarkaði voru 2.600 á öðrum ársfjórðungi þessa árs samkvæmt starfaskráningu Hagstofu Íslands. Á sama tíma voru um 198.700 störf mönnuð og hlutfall lausra starfa því 1,3%. Borið saman við fyrsta ársfjórðung 2020 fækkaði lausum störfum um 300 en hlutfall lausra starfa hefur haldist óbreytt. Borið saman við annan ársfjórðung 2019 má sjá að nú voru 3.600 færri störf laus. Þegar fjöldi starfa er skoðaður eftir ársfjórðungum, samanber meðfylgjandi graf, má sjá að á öðrum ársfjórðungi 2020 voru 27.200 færri störf mönnuð en á öðrum ársfjórðungi 2019. Jafnframt hefur fjöldi starfa aldrei verið lægri í starfaskráningu Hagstofunnar sem hófst á fyrsta ársfjórðungi 2019. Má þar að líkindum kenna áhrifum kórónaveirunnar á íslenskan vinnumarkað.

Líkar þetta

Fleiri fréttir