medium

large

thumbnail

1536x1536

small

custom-size

Handbók um siðareglur ráðherra gefin út

Slökkvilið landsins sinntu 683 útköllum á fyrsta ársfjórðungi 2024

Hleðslugarður Orku náttúrunnar við Digranesgötu í Borgarnesi

Skagamenn komnir upp við vegg í körfunni

Snæfell tapaði í leik eitt gegn Tindastól

2048x2048

Magnús 60 ára í dag

core/freeform

ÍA vann stórsigur á ÍR, 0-7, þegar liðin mættust í annarri umferð Mjólkurbikars kvenna í knattspyrnu. Leikið var í Reykjavík á laugardaginn. Eins og markatalan ber með sér voru yfirburðir Skagakvenna algerir í leiknum. Þær komust yfir strax á 4. mínútu þegar Jaclyn Poucel skoraði með skalla eftir hornspyrnu. Erla Karitas Jóhannesdóttir bætti öðru marki við á 12. mínútu eftir góða sókn og ÍA liðið hafi góð tök á leiknum. Á 37. mínútu skoraði Fríða Halldórsdóttir þriðja mark ÍA með snyrtilegri afgreiðslu eftir að hafa komið sér laglega í gegnum vörn ÍR-liðsins. Jaclyn skoraði síðan öðru sinni með skalla eftir góða hornspyrnu skömmu áður en flautað var til hálfleiks og Skagakonur því fjórum mörkum yfir í hléinu.

Síðari hálfleikur byrjaði með látum. Vörn ÍR-liðsins svaf á verðinum á 46. mínútu og Erla Karitas slapp ein í gegn og skoraði með góðu skoti. Aðeins fjórum mínútum síðar vann hún boltann eftir klaufangang í vörninni, átti skot sem barst af varnarmanni til Unnar Ýrar Haraldsdóttur sem kom ÍA í 0-6. Það var síðan á 59. mínútu sem Fríða skoraði annað mark sitt og sjöunda mark Skagakvenna eftir klafs í vítateignum. Eftir það róaðist leikurinn töluvert og það var ekki fyrr en undir lokin að smá fjör færðist í hann að nýju. Skagakonur reyndu að bæta einu marki við, fengu til þess nokkur sæmileg færi en tókst ekki að auka forskot sitt. Lokatölur urðu 0-7, ÍA í vil og Skagakonur eru því komnar áfram í þriðju umferð bikarkeppninnar, sem leikin verður 24. júlí næstkomandi.

Skagakonur völtuðu yfir ÍR