medium

large

thumbnail

1536x1536

small

custom-size

Handbók um siðareglur ráðherra gefin út

Slökkvilið landsins sinntu 683 útköllum á fyrsta ársfjórðungi 2024

Hleðslugarður Orku náttúrunnar við Digranesgötu í Borgarnesi

Skagamenn komnir upp við vegg í körfunni

Snæfell tapaði í leik eitt gegn Tindastól

2048x2048

Magnús 60 ára í dag

core/freeform

Skagamenn lögðu KA, 3-1, í fyrsta leik sínum í Pepsi Max deild karla í knattspyrnu þetta sumarið. Leikið var á Akranesvelli á í gær.

Það voru gestirnir að norðan sem skoruðu fyrsta mark leiksins strax á 5. mínútu þegar Nökkvi Þeyr Þórisson slapp í gegnum vörn ÍA eftir skyndisókn. Skagamenn vildu meina að Nökkvi hafi verið rangstæður en markið stóð. Eftir markið sóttu Skagamenn í sig veðrið. Bjarki Steinn Bjarkason slapp í gegnum vörnina á 17. mínútu en KA menn björguðu á síðustu stundu með frábærri tæklingu í vítateignum. Á 28. mínútu náðu Skagamenn góðri sókn sem endaði með fyrirgjöf frá vinstri. Boltinn hrökk út í teiginn á Stefán Teit Þórðarson sem smellti honum viðstöðulaust í þverslána og inn. Staðan orðin 1-1 og þannig stóðu leikar í hálfleik.

Skagamenn voru öflugri í upphafi síðari hálfleiks og komust yfir á 56. mínútu. Stefán Teitur fékk boltann aðeins úti til vinstri, keyrði inn að miðjunni og hamraði hann í netið af 30 metra færi. Stórglæsilegt mark hjá Stefáni Teit og ÍA komið í 2-1. Skagamenn komust síðan í 3-1 á 70. mínútu leiksins úr vítaspyrnu. Viktor Jónsson var rifinn niður í skallafæri og réttilega dæmt víti. Tryggvi Hrafn Haraldsson fór á punktinn. Aron Dagur Birnuson í marki KA kastaði sér til hægri en Tryggvi sendi boltann á mitt markið og skoraði þannig örugglega.

Bæði lið áttu nokkrar sæmilegar marktilraunir það sem eftir lifði leiks, en ekkert sem skapaði neina alvöru hættu. Lokatölur á Akranesvelli voru 3-1, ÍA í vil.

Skagamenn hafa því þrjú stig eftir fyrsta leik sumarsins og sitja sem sakir standa í öðru sæti með jafn mörg stig og topplið Breiðabliks og FH og KR í sætunum fyrir neðan.

Heimasigur í fyrsta leik