medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Skagakonur unnu stórsigur á Hamri, 0-8, þegar liðin mættust í fyrstu umferð Mjólkurbikars kvenna í knattspyrnu. Leikið var í Hveragerði í gær. Þess má geta að leikurinn var fyrsti formlegi keppnisleikurinn sem Hamar leikur í meistaraflokki kvenna.

Eins og lokatölurnar benda til voru yfirburðir ÍA algjörir í leiknum. Skagakonur réðu ferðinni frá fyrstu mínútu og hefðu getað skorað fleiri mörk en átta. Fyrsta mark leiksins kom strax á upphafsmínútunni þegar Erla Karitas Jóhannesdóttir skoraði fyrir ÍA og Fríða Halldórsdóttir bætti öðru marki við aðeins tveimur mínútum síðar. Erla skoraði öðru sinni á 31. mínútu og Védís Agla Reynisdóttir kom Skagakonum fjórum mörkum yfir á 35. mínútu og þannig var staðan þegar flautað var til hálfleiks.

Veronica Líf Þórðardóttir skoraði tvö mörk með tveggja mínútna millibili eftir rétt rúmlega klukkustundarleik, Jalyn Poucel bætti sjöunda marki Skagakvenna við á 76. mínútu og Selma Dögg Þorsteinsdóttir innsiglaði 0-8 stórsigur ÍA á lokamínútu leiksins.

Skagakonur eru því komnar áfram í aðra umferð bikarsins, þar sem þær mæta liði ÍR á útivelli laugardaginn 13. júní næstkomandi.

Stórsigur í bikarnum