Ærslabelgur á Merkurtúni. Ljósm. Akraneskaupstaður.

Ærslabelgur kominn á Merkurtún

Nýr ærslabelgur er kominn upp á Merkurtúni á Akranesi. Belgurinn var settur í gang fyrir síðustu helgi og er hann ætlaður fólki á öllum aldri sem hefur áhuga á að hoppa og leika sér.

Nú eru tveir Ærslabelgir á Akranesi, einn við Akraneshöll og annar á Merkurtúni. Ærslabelgurinn er vinsælt leiktæki meðal barna og er hann opinn frá klukkan 08:00-23:00 alla daga frá maí til september. „Mikilvægt er að virða reglur og umgengi þarna í kring til þess að koma í veg fyrir slys. Það má t.d. ekki fara á belginn í rigningu, bannað að hoppa með eitthvað oddhvasst eða keyra á skellinöðrum eða vespum yfir belginn. Þá er ekki leyfilegt að borða á belgnum, hoppa í skóm eða vera með gleraugu á sér á meðan verið er að hoppa,“ segir í tilkynningu frá Akraneskaupstað.

Líkar þetta

Fleiri fréttir