medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Sumarlestur fyrir börn hefst á Bókasafni Akraness þriðjudaginn 2. júní og stendur yfir til 7. ágúst. Verkefnið er miðað að börnum á aldrinum 6-12 ára. Áhugasömum fimm ára börnum, sem byrjuð eru að lesa, er einnig heimilt að taka þátt.

„Sumarlesturinn 2020 er í anda Lestrarlandakortsins, samstarfsverkefnis með Menntamálastofnun, og er tilgangurinn að þessu sinni auk þess að hvetja til lestrar, að kynna mismunandi tegundir bóka. Með því eru líkurnar auknar á að börn verði áhugasamari um lestur þar sem þau eiga auðveldara með að finna sér lesefni sem höfðar til þeirra,” segir í tilkynningu.

Þema sumarlestrar í ár er „Land verður til“. Auk þess að lesa skemmtilegar bækur fá þátttakendur tækifæri til að taka þátt í að búa til fallegt land, á veggnum á safninu. Þegar börnin skrá sig til þátttöku fá þau afhenta lestrardagbók. Í hana skrá þau þær bækur sem þau lesa í sumar og fá stimpil fyrir hverja bók eða hverjar 150 blaðsíður. Þátttaka er ókeypis og skírteini fyrir börn sömueiðis. Ef börn eiga ekki skírteini verður foreldri eða forráðarmaður að koma með í fyrsta sinn. Vikulega verður birt stutt viðtal við Lesara vikunnar í Skessuhorni. Pistillinn er í umsjón bókavarða. Húllum-hæ lokahátíð verður svo miðvikudaginn 12. ágúst kl. 14, þar sem í boði verður happadrætti, leikir og léttar veitingar.

<strong>Verkfærakistan fyrir 10-14 ára</strong>

Bókasafnið stendur auk þess fyrir ritsmiðju og eru skilaboðin frá Sunnu Dís Másdóttur leiðbeinanda á námskeiðinu á þessa leið: „Yfirskriftin er „Verkfærakistan: Með sögur að vopni!“ Hefur þig einhvern tímann langað að skrifa sögu? Eða langar þig kannski frekar að ferðast aftur í tíma, bjarga kvíðnum krókódíl úr klípu eða finna upp nammiljósritunarvél? Allt þetta, og miklu fleira, er mögulegt þegar við höfum verkfærakistu rithöfundarins innan seilingar!“

Sunna Dís er skáld og ritlistarleiðbeinandi. Hún hefur áður stýrt ritsmiðjum fyrir fólk á ýmsum aldri og hefur sérlega gaman af því að finna upp og spinna nýjar sögur með ungum höfundum. Námskeiðið er ætlað börnum á aldrinum 10 ára (f. 2010) til 14 ára og verður daganna 9.-12. júní, kl. 9:30-12.00.

Skráning og upplýsingar eru á Bókasafni Akraness, Dalbraut 1, sími 433 1200. Ekkert þátttökugjald er tekið, en nauðsynlegt að mæta alla dagana. Hámarksfjöldi á námskeiðið er um 15 börn. Bókasafnið er opnað kl. 9:00 fyrir þátttakendur alla námskeiðsdagana.

Sumarlestur og ritsmiðja á Bókasafni Akraness