medium

thumbnail

small

custom-size

Lánveitingar Byggðastofnunar halda áfram að skapa störf

large

1536x1536

2048x2048

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

Fyrri umferð biskupskosningar lokið – Elínborg datt út

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

core/freeform

Miklar sviptingar voru í gær á lokahring B-59 Hótel-mótsins í golfi sem spilað var á Garðavelli á Akranesi undir stjórn Golfklúbbsins Leynis. Mótið er eitt af sterkustu mótum sumarsins og allir fremstu spilarar landsins tóku þátt. Á mótinu voru leiknir þrír hringir, alls 54 holur, frá föstudegi til sunnudags. Gríðarleg spenna var á lokadegi mótsins þegar bæði Valdís Þóra Jónsdóttir og Haraldur Franklín Magnús urðu að gefa eftir forystu sem þau höfðu haft allt mótið. Rástímum keppenda var seinkað fram yfir hádegi vegna veðurs í gær og voru aðstæður nokkuð krefjandi síðdegis vegna úrkomu. Það var mikill munur frá laugardeginum þegar besta veður sumarsins var um allt vestanvert landið. Veðrið lagaðist töluvert þegar líða tók á gærdaginn og í mótslok var það orðið fínt. Það var Ólafía Þórunn Kristinsdóttir úr GR og Axel Bóasson úr Keili sem stóðu uppi sem sigurvegarar á mótinu. Ólafía Þórunn tryggði sér sigurinn með pari á lokaholunni en Valdís Þóra var með fimm högga forskot á Ólafíu fyrir lokahringinn. Axel Bóasson lék lokahringinn á mínus einu höggi en Haraldur Franklín Magnús úr GR gat komið sér í bráðabana um sigurinn með því að setja niður 2-3 metra pútt fyrir pari á 18. flötinni. Það tókst ekki og Axel fagnaði sigrinum á mínus sex samtals.

Sviptingar á fyrsta stórmóti ársins í golfi