medium

thumbnail

small

custom-size

Lúðrasveit lék fyrir Borgnesinga

large

1536x1536

2048x2048

Skagamenn í öðru sæti eftir stórsigur á Fylki

Línur teknar að skýrast í baráttunni um Bessastaði

Fimm kóra mót var haldið á Akranesi

Borgfirðingar tóku á móti Rangæingum í Brún

Skeifudagur, afmæli Grana og útskrift úr Reiðmanninum framundan

core/freeform

Fyrir rúmri viku var auglýst eftir fólki í bakvarðarsveit fyrir Höfða, hjúkrunar- og dvalarheimili á Akranesi. „Okkar starfsemi eru þannig að það er ekki hægt að minnka eða hætta þjónustu og við þurfum að hafa starfsfólk til taks allan sólarhringinn, alla daga. Við óskuðum því eftir aðstoð frá einstaklingum sem væru til í að stökkva til og vinna í stuttan tíma og hjálpa okkur ef á þarf að halda,“ segir Ólína Ingibjörg Gunnarsdóttir hjúkrunarforstjóri í samtali við Skessuhorn. „Það er skemmst frá því að segja að við höfum fengið gífurlega góð viðbrögð við auglýsingunni og skráðir í bakvarðasveit voru síðastliðinn föstudag orðnir 44.“

Bakverðir Höfða búa yfir fjölbreyttri reynslu. Ólína Ingibjörg nefnir sem dæmi hárgreiðslumeistara, matreiðslufólk, kjötiðnaðarmann, listamann, sjúkraliða, skrifstofufólk og almennt starfsfólk ýmist með reynslu í umönnun eða ekki. „Þá eru komnir á skrá hjúkrunarfræðingar, þroskaþjálfi, félagsfræðingar, dýralæknanemi, kennarar, framhaldsskólanemar, kvikmyndagerðarmaður og starfsmaður úr vegavinnu. Þetta er fjölbreytt flóra velviljaðra einstaklinga. Við getum næstum stofnað bara nýtt samfélag hér innan dyra. Eins hefur fyrrum starfsfólk hringt og boðið fram aðstoð sína og kunnum við því bestu þakkir fyrir. Það er gott að hugsa til þess að ef á bjátar þá erum við ekki bjargarlaus.“ Ólína Ingibjörg segir að fallegasta umsóknin hafi þó verið frá 14 ára nemanda í Grundaskóla sem sendi póst og sagðist vera vön að þrífa og taka til heima og gæti alveg gert það á Höfða, ef við vildum.“

Ólína Ingibjörg segir að innanhúss á Höfða hafi verið hert verulega á öllum reglum og starfið endurskipulagt miðað við reglur samkomubanns. „Eðli starfa á heimilinu er þó þannig að við getum ekki útilokað nánd. Áfram munum við halda fast í reglur um smitvarnir og þær varúðarráðstafanir sem við höfum gert og erum sannfærð um að þær skila okkur árangri. Starfsfólk er meðvitað um mikilvægi sitt og af mikilli fórnfýsi þá gæta allir sín afskaplega vel í frítíma sínum og hitta nær eingöngu þá aðila sem búa með þeim heima.“

Fjölmargir til taks í bakvarðasveit Höfða