medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Sveitarfélagið Borgarbyggð er nú byrjað dreifingu á brúnum tunnum í Borgarnesi og verður því verki lokið á næstu dögum og vikum, eins og segir í tilkynningu á vef sveitarfélagsins. Tunnurnar verða síðan tæmdar á þriggja vikna fresti bæði í dreifbýli og þéttbýli og því sem safnast skilað til jarðgerðar. Í brúnar tunnur verður íbúum gert að setja lífrænan úrgang. „Vegna COVID-19 er ekki talið ráðlagt að ganga í hús með leiðbeiningar til íbúa og því er farin sú leið að skilja eftir tunnu og ílát fyrir utan heimilin,“ segir í tilkynningunni. „Brúna tunnan stuðlar að flokkun lífræns úrgangs og er mikilvægt framlag til loftslagsmála, enda er lífrænn eldhússúrgangur ekki rusl heldur hráefni sem hægt er að endurvinna og framleiða jarðvegsbæti. Söfnun lífræns úrgangs til endurvinnslu samræmist hugmyndafræði hringrásarhagkerfisins. Þegar lífrænn úrgangur er urðaður glatast mikilvæg lífræn efni og þá myndast metan í urðunarstaðnum sem er margfalt áhrifaríkari gróðurhúsalofttegund en koltvísýringur,“ segir í tilkynningunni á vef Borgarbyggðar.

„Í lögum um meðhöndlun úrgangs kemur fram að lífrænan úrgang skuli nota en ekki urða og í aðgerðaáætlun ríkisstjórnarinnar eru settar fram áætlanir um urðunarskatt og bann við urðun lífræns úrgangs. Því eru allir íbúar hvattir til að taka þátt í verkefninu með opnum hug og taka skrefið í átt til jákvæðra breytinga með sveitarfélaginu,“ segir í tilkynningunni. Allar fyrirspurnir, athugasemdir og ábendingdar varðandi brúnu tunnuna skal senda á netfangið <a href="mailto:borgarbyggd@borgarbyggd.is">borgarbyggd@borgarbyggd.is</a>

Byrjað að dreifa brúnum tunnum í Borgarnesi