Ætlar að kaupa sér rafmagnsbíl fyrir hluta stóra vinningsins

„Það var bjart yfir vinningshafa sexfalda Lottópottsins sem kom í Íslenska getspá í dag til að ganga frá sínum málum. Vinningurinn var verulega vænn, tæpar 79,5 skattfrjálsar milljónir en miðann hafði hann keypt hjá N1 við Bíldshöfða,“ segir í tilkynningu frá Getspá.

Vinningshafinn er Reykvíkingur sem spilar nokkuð reglulega í lottóinu og notar yfirleitt sömu tölurnar. Á undanförnum misserum hefur hann fengið nokkra þúsundkalla á þessar tölur en núna var komið að þeim stóra. „Hann er ekki búinn að taka ákvörðun hvað gera skal við vinninginn og ætlar að þiggja ráðgjöf sem Getspá býður vinningshöfum. Hann er þó viss um að hann ætlar að láta verða að því að kaupa sér góðan rafmagnsbíl. Íslensk getspá óskar vinningshafanum til hamingju og óskar honum velfarnaðar.“

Líkar þetta

Fleiri fréttir

Nýr formaður SFS

Ólafur Marteinsson, framkvæmdastjóri Ramma á Siglufirði, hefur tekið við formennsku af Jens Garðari Helgasyni í Samtökum fyrirtækja í sjávarútvegi. Tveir... Lesa meira