medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

Skallagrímsmenn máttu játa sig sigraða eftir fjörugan leik gegn Vestra. Leikið var á Ísafirði á þriðjudagskvöld. Um var að ræða frestaðan leik, sem upphaflega átti að spila 20. desember en var slegið á frest vegna veðurs.

Jafnt var á með liðunum framan af fyrsta leikhluta og heimamenn voru þremur stigum yfir þegar upphafsfjórðungurinn var hálfnaður, 15-12. Þá náði Vestri góðum kafla og leiddi með 13 stigum að leikhlutanum loknum, 34-21. Borgnesingar minnkuðu muninn í fimm stig snemma í öðrum fjórðungi áður en Vestri náði undirtökunum að nýju. En það voru Skallagrísmsmenn sem voru öflugri undir lok fyrri hálfleiks og minnkuðu muninn í sjö stig áður en hálfleiksflautan gall, 55-48.

Borgnesingar mættu mjög ákveðnir til leiks eftir hléið. Þeir gerðu foryust Vestra að engu strax í upphafi síðari hálfleiks og komust síðan yfir rétt áður en þriðji leikhluti var hálfnaður, 58-59. Þá tóku heimamenn við sér að nýju, náðu góðum kafla og leiddu með ellefu stigum fyrir lokafjórðunginn, 76-65. Þar voru heimamenn einfaldlega sterkari. Þeir gáfu engin færi á sér og með góðum lokaspretti tryggðu þeir sér 19 stiga sigur, 99-80.

Kristján Örn Ómarsson var atkvæðamestur í liði Skallagríms með 20 stig og sex fráköst. Marinó Þór Pálmason skoraði 15 stig, gaf sex stoðsendingar og tók fimm fráköst. Kenneth Simms skoraði tólf stig og tók 17 fráköst, Davíð Guðmundsson var með tíu stig, Hjalti Ásberg Þorleifsson skoraði átta, Kristófer Gíslason og Bergþór Ægir Ríkharðsson skoruðu fimm stig hvor, Almar Örn Björnsson var með þrjú stig og Arnar Smári Bjarnason skoraði tvö.

Reynsluboltinn Nebojsa Knazevic var að öðrum ólöstuðum besti maður vallarins. Hann skoraði 35 stig fyrir Vestra og gaf ellefu stoðsendingar. Nemanja Kjazevic skoraði 19 stig og tók tólf fráköst, Marko Dmitrovic skoraði 14 stig og tók sjö fráköst, Matic Macek var með 13 stig og fimm stoðsendingar og Ingimar Aron Baldursson skoraði 12 stig og gaf átta stoðsendingar.

Skallagrímur situr í sjöunda sæti deildarinnar með sex stig, tveimur stigum á undan Sindra og Snæfelli í sætunum fyrir neðan. Næsti leikur Borgnesinga er heimaleikur gegn Hamri á mánudaginn, 9. mars næstkomandi.

Heimamenn sterkari á lokasprettinum