medium

large

thumbnail

1536x1536

small

custom-size

Kári úr leik í Lengjubikarnum eftir tap gegn Þrótti Vogum

Kæra til lögreglu alvarlega vanrækslu á nautgripum

Hvítnar í fjöll í kvöld og færð gæti þar spillst

2048x2048

Var með kannabis í fórum sínum

Tónlistarfólk í Stykkishólmi fagnar í vor

Mikil gróska í íþróttastarfi Ungmennafélags Reykdæla

core/freeform

<strong>Opnuð sýning landslagsmynda úr safneign Listasafns Íslands</strong>

Á morgun, laugardaginn 29. febrúar kl. 13.00, verður opnuð sýning í Hallsteinssal í Safnahúsi Borgarfjarðar sem ber yfirskriftina „Landslag væri lítils virði...“ Á sýningunni verða landslagsmyndir úr safneign Listasafns ASÍ eftir Ásgrím Jónsson, Jón Þorleifsson og Jón Stefánsson auk verks í eigu Nýlistasafnsins eftir hollenska listamanninn og Íslandsvininn Douwe Jan Bakker. Verk Douwe Jan Bakker (1943-1997) ber heitið ,,A Vocabulary Sculpture in the Icelandic Landscape‘‘ - Þrívíddarorðasafn í íslensku landslagi frá 1976-77  og samanstendur af 72 ljósmyndum af ákveðnum þáttum úr landslagi og jarðfræði Íslands.

Douwe Jan Bakker kynntist fyrst íslenskum myndlistarmönnum (SÚM-urum) í Amsterdam um 1970.  Hann tók miklu ástfóstri við Ísland og íslenska menningu og kom margar ferðir hingað til lands bæði til að sýna og til að vinna hér verk. Honum var umhugað um með hvaða hætti íslenskt landslag endurspeglaði eitthvað sem kalla mætti persónueinkenni íslensku þjóðarinnar. Hann var djúpt snortinn af sterkum rótum menningarinnar í umhverfinu, í sjálfu landinu. Verkið á sýningunni snýst um tengsl tungumálsins - orða, heita og hugtaka - við landslagið.

Landslagsmálverkin á sýningunni, olíumálverk og ein vatnslitamynd, eru hluti af stofngjöf Ragnars í Smára til Listasafns ASÍ. Þau eru eftir Ásgrím Jónsson (1876-1958), Jón Stefánsson (1881-1962) og Jón Þorleifsson (1891-1961) og flest unnin í Borgarfirði á fyrri hluta síðustu aldar. Sýningarstjóri er Elísabet Gunnarsdóttir safnstjóri Listasafns ASÍ.

Hallsteinssalur er í Safnahúsinu að Bjarnarbraut 4-6 í Borgarnesi. Opið er til kl. 17.00 á opnunardaginn og eftir það 13.00-18.00 virka daga og 13.00 - 17.00 um helgar. Ókeypis aðgangur er að sýningunni en söfnunarbaukur er á staðnum.

Landslag væri lítils virði…