medium

large

thumbnail

1536x1536

2048x2048

small

custom-size

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

Katrín með forskot á aðra frambjóðendur samkvæmt nýjustu könnun

core/freeform

Þórdís Kolbrún R Gylfadóttir nýsköpunarráðherra kynnti í ríkisstjórn í morgun áform sín um að leggja niður Nýsköpunarmiðstöð Íslands (NMÍ) um næstu áramót. Rúmlega 80 manns starfa hjá stofnuninni í 71 stöðugildi. Þeim verkefnum sem þar hefur verið sinnt verður fundinn annar staður. Með breytingunum segist ráðherra vilja stuðla að öflugum opinberum stuðningi þar sem hans er þörf í núverandi umhverfi. „Í haust kynntum við til sögunnar nýsköpunarstefnu fyrir Ísland og aðgerðir í kjölfarið. Þetta er næsta skref. Framhaldið krefst samtals við fjölda hagsmunaaðila og við gefum okkur góðan tíma til að gæta þeirra mikilvægu verkefna sem við viljum forgangsraða og standa vörð um,“ segir Þórdís Kolbrún í tilkynningu.

Niðurstaða greiningarvinnu er sú að hluta verkefna NMÍ megi framkvæma undir öðru rekstrarformi. Hluti verkefnanna geta verið framkvæmdir af aðilum á markaði og hluti verkefnanna er ekki forgangsverkefni hins opinbera í nýsköpun vegna þroskaðra umhverfis nú og því hætt. Nýsköpunarráðherra hefur mótað áætlun um fjögur meginsvið stofnunarinnar, greint helstu verkefni og næstu skref eru að finna þeim farveg eftir þörfum í nýju rekstrarformi. Þetta eru verkefni sem falla undir byggingarannsóknir, nýsköpunargarðar fyrir frumkvöðla og sprotafyrirtæki, efnagreiningar og mengunarmælingar fyrir stóriðju.

Nýsköpunarmiðstöð Íslands var sett á fót árið 2007 með sameiningu Iðntæknistofnunar og Rannsóknastofnunar byggingariðnaðarins. Bein framlög úr ríkissjóði til NMÍ eru nú rúmlega 700 milljónir króna á ári, að undanskildum kostnaði við húsnæði NMÍ í Keldnaholti, sem fært verður til ríkiseigna. Ráðgert er að tæplega helmingur þess fjármagns verði notaður til að fylgja eftir þeim verkefnum stofnunarinnar sem framhald verður á.

Nýsköpunarmiðstöð Íslands verður lögð niður