medium

large

thumbnail

1536x1536

small

custom-size

Kári úr leik í Lengjubikarnum eftir tap gegn Þrótti Vogum

Kæra til lögreglu alvarlega vanrækslu á nautgripum

Hvítnar í fjöll í kvöld og færð gæti þar spillst

2048x2048

Var með kannabis í fórum sínum

Tónlistarfólk í Stykkishólmi fagnar í vor

Mikil gróska í íþróttastarfi Ungmennafélags Reykdæla

core/freeform

Umhverfis- og landbúnaðarnefnd Borgarbyggðar hafði á síðasta fundi sínum samgöngumál til umræðu vegna endurskoðunar aðalskipulags sveitarfélagsins 2010-2022. Nefndin tók undir bókun skipulags- og byggingarnefndar um að skoða þurfi legu stofnvega og Hringvegar um sveitarfélagið í samvinnu við Samgöngu- og sveitarstjórnarráðuneytið.  „Þá er það álit nefndarinnar að taka beri hjáleið um Borgarnes út af aðalskipulagi sbr. bókun sveitarstjórnar þann 10.11.2016 og nýta fjármagn sem er á samgönguáætlun í stofn- og tengivegi í sveitarfélaginu; t.d. nýja brú yfir Hvítá við Stafholtsey, tvöföldun brúar yfir Norðurá, lagningu bundins slitlags á tengivegi og uppbyggingu göngu- og hjólastígs með Borgarfjarðarbraut. Þá er brýnt að tryggja öryggi gangandi vegfarenda meðfram Hringvegi í Borgarnesi,“ segir í bókun nefndarinnar.

Árið 2015 óskaði þáverandi sveitarstjórn Borgarbyggðar eftir því að Vegagerðin léti gera arðsemis- og umferðaröryggismat á lagningu nýs tengivegar og brúar yfir Hvítá við Stafholtsey í Borgarfirði. Þá var gert ráð fyrir að nýr vegur yrði 7,5 km á lengd og að byggð yrði 200 metra löng brú yfir Hvítá. Þá var áætlað að heildarkostnaður myndi vera um einn milljarður króna og stuðst við forsendur svipaðrar vegaframkvæmdar yfir Hvítá á Suðurlandi. Sveitarstjórn Borgarbyggðar taldi þá að brú yfir Hvítá hefði jákvæð áhrif á þróun skólasamfélags í héraðinu, styddi vel við uppbyggingu í ferðaþjónustu og stytti leiðir milli landshluta. Núverandi umhverfis- og landbúnaðarnefnd Borgarbyggðar er sama sinnis og tók því málið upp að nýju.

Vilja dusta rykið af hugmynd um brú yfir Hvítá hjá Stafholtsey