medium

thumbnail

small

custom-size

Aukin hætta á fuglainflúensu með komu farfuglanna

large

1536x1536

2048x2048

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

core/freeform

Kannanir hafa sýnt að eldvarnir eru ófullnægjandi á mörgum heimilum og íbúarnir því berskjaldaðir fyrir eldsvoðum. Hættan er mest þegar líður að jólum, þegar skreytingum fjölgar. Svo um sjálfar hátíðirnar þarf að passa upp á enn fleira, svo sem raforkunotkun, ástand reykskynjara, logandi kerti og margt fleira.

Í ljósi þess að nú gengur í garð sá árstími þar sem hætta er á eldsvoðum af völdum kertaljósa og jólaskreytinga hefur Bjarni K. Þorsteinsson slökkviliðsstjóri í Borgarbyggð tekið saman lista með atriðum sem nauðsynlegt er að hafa í huga um hátíðirnar. Bjarni tekur fram að hann mælir fyrir hönd allra slökkviliða í landshlutanum, sömu heilræða eiga allsstaðar við. Ábendingar Bjarna fylgja hér á eftir.

Lágmarkseldvarnir á heimilum eru:
<ul>
 	<li>Virkir reykskynjarar, tveir eða fleiri.</li>
 	<li>Léttvatns- eða duftslökkvitæki við helstu flóttaleið.</li>
 	<li>Eldvarnateppi á sýnilegum stað í eldhúsi.</li>
</ul>
 Gætum varúðar um jól og áramót
<ul>
 	<li>Reykskynjarar eru sjálfsögð og ódýr líftrygging, skipta skal um reykskynjara á tíu ára fresti. Og rafhlöður í byrjun desember ár hvert eða oftar ef þörf er á.</li>
 	<li>Átt þú handslökkvitæki? Er það í lagi? Hvenær var það síðast yfirfarið?.</li>
 	<li>Slökkvitæki á að vera á sýnilegum stað, ekki í felum inni í skáp!</li>
 	<li>Ofhlöðum ekki fjöltengi og gætum að gömlum og lélegum rafbúnaði.</li>
 	<li>Notum ávalt viðurkenndar rafvörur og fjöltengi með slökkvara og gaumljósi.</li>
 	<li>Eldvarnateppi skal vera í hverju eldhúsi og á aðgengilegum og sýnilegum stað.</li>
 	<li>Gerum flóttaáætlun úr íbúðinni vegna eldsvoða með öllum á heimilinu og æfum hana reglulega. Tvær greiðar flóttaleiðir úr hverri íbúð!</li>
 	<li>Gætum varúðar í umgengni við kertaljós og skreytingar, skiljum börn aldrei eftir eftirlitslaus nærri logandi kertum eða eldi.</li>
 	<li>Aðgætum íbúðir okkar áður en gengið er til hvílu, eða þær eru yfirgefnar að degi til, hvort nokkursstaðar logi á kerti eða skreytingum.</li>
 	<li>Logandi kertaljós séu aldrei höfð í gluggum vegna dragsúgs og lausra gardína.</li>
 	<li>Dreifið sem mest raforkunotkun við matseld um jól og áramót. Það kemur í veg fyrir hugsanleg óþægindi vegna mikils álags á dreifikerfi rafmagns.</li>
 	<li>Ullar- eða leðurvettlingar á höndum og öryggisgleraugu á öll nef við meðferð flugelda um áramót.</li>
 	<li>Munum 112 Neyðarlínuna ef slys, veikindi eða eldsvoða ber að höndum.</li>
</ul>

Gagnleg ráð og ábendingar vegna eldvarna og slysahættu um hátíðarnar