medium

large

thumbnail

1536x1536

2048x2048

small

custom-size

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

core/freeform

Ákvörðun hefur verið tekin um að leggja af rekstur Upplýsingamiðstöðvar Vesturlands í Hyrnutorgi í Borgarnesi. Var samningi um leigu húsnæðis sagt upp fyrir lok september síðastliðins en leigusamningur við Borgarland ehf., eiganda húsnæðisins, er með árs uppsagnarfresti.  Að sögn Páls S. Brynjarssonar, framkvæmdastjóra SSV, er með þessari ákvörðun verið að fylgja eftir stefnu Ferðamálastofu sem hætt er að styðja við rekstur landshlutamiðstöðva fyrir ferðamenn. Ríkið styrkti þannig rekstur Upplýsingamiðstöðvar Vesturlands um 2,6 milljónir króna á þessu ári og aðra landshluta eða sveitarfélög um sambærilega upphæð. Stefna Ferðamálastofu er nú sú að sá stuðningur sem hið opinbera hefur fram til þessa lagt til upplýsingamiðstöðva fari í stafræna upplýsingagjöf. Því er samhliða þessari ákvörðun hætt stuðningi við prentun bæklinga og kynningarefnis, annars en efnis sem miðlað er stafrænt. Síðasti árgangur af Ferðablaði Vesturlands - Travel West Iceland, sem komið hefur út hjá Skessuhorni nær óslitið í tuttugu ár, hefur því litið dagsins ljós.

Markaðsstofan mun halda áfram annarri starfsemi en beinni leiðsögn og upplýsingagjöf við ferðamenn og þátttöku í útgáfu kynningarefnis á prenti. Stefna Ferðamálstofu er að komið verði á fót áfangastaðastofum í öllum landshlutum, sem taki að sér skilgreind verkefni, sem þó á eftir að útfæra nánar, að sögn Páls.

Upplýsingamiðstöðinni verður lokað á næsta ári