Frá afhendingu Menningarverðlauna Akraness í gær. Ljósm. Myndsmiðjan.

Útvarp Akraness hlaut menningarverðlaun

Menningarverðlaun Akraness 2019 voru veitt í 13. sinn í gær, en þau eru veitt árlega í tengslum við menningarhátíðina Vökudaga. Verðlaunin eru veitt þeim einstaklingum eða félagasamtökum sem þykja hafa skarað fram úr á sviði menningar í bæjarfélaginu á árinu. Menningarverðlaun Akraness 2019 komu að þessu sinni í hlut Útvarps Akraness, en Sundfélag Akraness á veg og vanda að útsendingum þess á aðventunni ár hvert. Það voru þeir Ólafur Páll Gunnarsson, formaður menningar og safnanefndar og Sævar Freyr Þráinsson bæjarstjóri sem afhentu stjórn sundfélagsins og útvarpsnefnd viðurkenningu þessu til staðfestingar, ásamt verðlaunagrip eftir listakonuna Kolbrúnu Kjarval.

„Sundfélag Akraness náði þeim frábæra áfanga að halda upp á 30 ára afmæli Útvarps Akraness á árinu 2018. Það sem byrjaði sem fjáröflunarleið fyrir sundfélag hefur blómstrað í það að verða ómissandi hluti af aðventu Akurnesinga nær og fjær. Útvarpsnefnd Sundfélags Akraness skipuleggur árlega frábæra, fjölbreytta og áhugaverða dagskrá og fær til liðs við sig fólk víða úr mannlífinu sem gerir útvarpið skemmtilegt og áhugavert fyrir mjög marga,“ segir í tilkynningu frá Akraneskaupstað.

Líkar þetta

Fleiri fréttir

Verma botnsætið

Snæfellingar biðu lægri hlut gegn Sindra, 88-73, þegar liðin mættust í 1. deildkarla í körfuknattleik á föstudagskvöld. Leikið var á... Lesa meira