medium

large

thumbnail

1536x1536

2048x2048

small

custom-size

Finnst alveg rosalega gaman að ferðast

Fermingardagurinn minn

Sterkur sigur Skallagríms á Þór

Eftirminnilegar fermingar

Uppbygging á aðstöðu til jarðræktarrannsókna að hefjast á Hvanneyri

Hlutverk feðranna í fermingarundirbúningnum

core/freeform

Ákveðið hefur verið að taka aftur upp lögreglurannsókn á umhverfisslysi sem varð í Andakílsá vorið 2017.

Eins og áður hefur verið greint frá rann mikill aur úr inntakslóni í farveg Andakílsár þegar verið var að undirbúa viðhald á inntaksstíflu Andakílsvirkjunar og hreinsun á seti úr lóninu. „Orka náttúrunnar, sem á og rekur Andakílsárvirkjun, tók þegar ábyrgð á mistökunum og hefur átt í samstarfi við heimamenn og vísindafólk um aðgerðir til að reisa lífríki árinnar við að nýju, einkum laxastofninn,“ segir í tilkynningu frá Orku náttúrunnar. Samhliða því vann ON greiningu á atburðarásinni með það fyrir augum að koma í veg fyrir að slíkt geti hent aftur.

Aðgerðirnar virðast hafa gefið góða raun, að því er fram kemur á vef ON, en um 30 þúsund laxaseiðum, sem ræktun var hafin á úr stofni árinnar eftir óhappið, var sleppt í ána í vor. Ekki hefur verið veitt í ánni í sumar en ráðgert er að stangveiði hefjist þar að nýju næsta sumar. Þá verður 30 þúsund seiðum til viðbótar sleppt í ána.

Lögreglustjórnn á Vesturlandi hafði óhappið til rannsóknar. Meðal annars átti að kanna hvort fyrirtækið hefði gerst brotlegt við lög með vangá við aðgerðir við inntakslónið. Eftir gagnaöflun og skýrslutökur var sú rannsókn hins vegar felld niður, þar sem ekki þótti líklegt að um lögbrot væri að ræða. „Sú ákvörðun var kærð til ríkissaksóknara sem nú hefur tilkynnt ON að embættið hafi falið lögreglustjóranum að rannsaka málið frekar,“ segir á vef ON. „Orka náttúrunnar mun hér eftir sem hingað til vinna með heimafólki og vísindafólki að vöktun og eflingu lífríkis árinnar og vera yfirvöldum innan handar um öflun frekari gagna um atburðina.“

Umhverfisóhapp í Andakílsá aftur til rannsóknar