medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Verslunin A4 er oftast með lægstu verðin á notuðum námsbókum fyrir framhaldsskólanema samkvæmt nýrri könnun verðlagseftirlits ASÍ sem framkvæmd var 15. ágúst síðastliðin. A4 var með lægstu verðin í 23 tilfellum af 42, Penninn Eymundsson í 12 tilvikum og Heimkaup.is í sex tilvikum. Mikill verðmunur er á nýjum og notuðum bókum og geta framhaldsskólanemendur sparað sér skildinginn með því að taka notað fram yfir nýtt. Verðlagseftirlitið getur ekki birt innkaupsverð skiptibókamarkaðanna á notuðum bókum eins og það hefur gert undanfarin ár og skoðað mun á innkaupsverði og útsöluverði þar sem þau eru ekki lengur aðgengileg almenningi. Þetta gerir samanburð á innkaupsverði milli skiptibókamarkaða erfiðan og hamlar eðlilegri samkeppni. Algengur verðmunur á notuðum bókum er í kringum 1.000 krónur.

Mesta úrvalið af notuðum námsbókum var í A4 en þar mátti finna alla þá titla sem til skoðunar voru í könnuninni eða 41. Í Pennanum mátti finna 37 titla af 41 en einungis 11 á Heimkaup.is. Mikill verðmunur er á nýjum og notuðum bókum. Það borgar sig því fyrir framhaldsskólanemendur að kaupa notaðar námsbækur sé það mögulegt en algengt var að yfir 100% verðmunur sé á nýjum og notuðum bókum. Sem dæmi má taka verðmun á bókinni Almenn Jarðfræði en 112% munur er á nýrri og notaðri slíkri bók í Pennanum Eymundsson. Verðmunurinn var enn meiri á sömu bók í A4 eða 144%. Í Heimkaup má nefna að 166% verðmunur var á Stærðfræði 3000 en ný bók kostaði 5.290 kr. en notuð 1.990 kr. ASÍ tekur fram að misjafnt er hversu notaðar bækur eru vel með farnar.

Innkaupsverð á notuðum bókum er ekki lengur aðgengileg almenningi. Skiptibókamarkaðir reiða sig á að almenningur komi með bækur sem eru ekki lengur í notkun og fái borgað fyrir þær. Skiptibókamarkaðirnir sjá síðan um að selja þær aftur til neytenda þannig að allir aðilar fá eitthvað fyrir sinn snúð. Misjafnt er þó hversu mikið skiptibókamarkaðirnir borga fyrir notaðar bækur og hversu dýrt þeir selja bækurnar síðan á. Hingað til hafa þeir sem hafa haft í hyggju að selja notuðu bækurnar sínar geta séð hvað skiptibókamarkaðarnir borga fyrir bækurnar, annaðhvort á vefsíðum verslananna eða á listum í verslununum. Þessar upplýsingar eru ekki lengur aðgengilegar almenningi, hvorki á vefsíðum verslananna né í verslununum sjálfum. Þetta gerir að verkum að erfiðara er fyrir almenning að gera samanburð á innkaupsverði skiptibókamarkaðanna sem dregur úr eðlilegri samkeppni og minnkar gagnsæi á markaði. Verðlagseftirlit ASÍ getur því ekki birt innkaupsverð á notuðum námsbókum eða fundið út mun á innkaupsverði og útsöluverði og skoða álagningu verslananna eins og hefur verið gert undanfarin ár.

A4 oftast með lægsta verð á notuðum námsbókum fyrir framhaldsskólanema