medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Ólafsdalshátíð verður haldin í tólfta sinn í Ólafsdal við Gilsfjörð laugardaginn 17. ágúst. Fjölbreytt dagskrá verður í boði fyrir alla fjölskylduna.

Að morgni laugardags, kl. 11:00 verður boðið upp á tvær gönguferðir. Annars vegar að víkingaaldarskálanum sem var uppgötvaður árið 2017. Fræðst verður um minjar á leiðinni og það nýjasta varðandi uppgröftinn, undir leiðsögn Birnu Lárusdóttur fornleifafræðings. Hins vegar verður farið í gönguferð upp í Skálina í Ólafsdal undir leiðsögn Þorsteins Garðarssonar og Helgu I. Guðmundsdóttur. Fólk er hvatt til að mæta korteri fyrr í göngurnar (10:45) og gera sig klárt áður. Ólafsdalshappdrættið verður á sínum stað ásamt markaði þar sem gestir geta orðið sér úti um ýmsan varning og þar ber hæst gómsætt og lífrænt vottað Ólafsdalsgrænmeti. Þá verða sýningar í skólahúsinu  opnar viðstöddum.

Hátíðardagskrá hefst svo kl. 13:00 þar sem Kristján Sturluson, sveitarstjóri Dalabyggðar flytur ávarp. Lilja Alfreðsdóttir, mennta- og menningarmálaráðherra mun einnig flytja erindi á hátíðinni. Söngkonan og lagahöfundurinn, Soffía Björk Óðinsdóttir, mun flytja nokkur vel valin lög og rithöfundurinn Bergsveinn Birgisson segir frá „Lifandilífslækur, upplestur og frásögn.“ Jóhann Alfreð Kristinsson verður með uppistand en hann er jafnframt kynnir á hátíðinni. Drengjakór íslenska lýðveldisins syngur og Húllatrúðurinn Sól frá Sirkus Ísland skemmtir börnum á öllum aldri. Hestar verða teymdir undir börnum og handverksfélagið Assa verður með veitingar. Gestir sem kunna að leggja leið sína í Dalina er bent á að netsamband er stopult í Ólafsdal og er þeim ráðlagt að hafa með sér lausafé til að versla og taka þátt í happdrætti en annars er frítt inn á hátíðina. „Þetta er fjölskylduhátíð í fallegu og söguríku umhverfi og því tilvalið fyrir fólk á öllum aldri að koma í Dalina yfir helgina og eiga góða stund saman. Svo er líka upplagt  að nýta tímann og kíkja á berin í leiðinni og annars sem svæðið hefur uppá að bjóða,“ segir Rögnvaldur Guðmundsson formaður Ólafsdalsfélagsins.

<em>Nánari upplýsingar má nálgast á www.olafsdalur.is</em>

Ólafsdalshátíð verður á morgun, laugardag