medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Í sumar hafa starfsmenn á vegum Umhverfisstofnunar, auk sjálfboðaliða, unnið að stígagerð að og á hinni gömlu eldstöð Eldborg í Hnappadal á Snæfellsnesi. Eldborg er eins og margir þekkja formfagur gjallgígur sem rís 60 metra yfir hraunið í kring og er stærstur gíga í stuttri gossprungu. Sjálf Eldborg er 200 metrar í þvermál og 50 metra djúp. Hægt er að ganga upp á gígbarminn að sunnanverðu. Til að komast að gýgnum er farin 2,5 km. gönguleið frá bílastæði skammt frá Snorrastöðum. Eldborg var friðlýst 1974.

Að sögn Jóns Björnssonar, þjóðgarðsvarðar hjá Umhverfisstofnun, er vinna við endurbætur á göngustígnum frá Snorrastöðum langtímaverkefni. Til aðstoðar við það í sumar hafa komið erlendir sjálfboðaliðar sem þiggja í fyrstu námskeið í náttúrulegri stígagerð innan Þjóðgarðsins Snæfellsjökuls en vinna strax í kjölfarið raunhæf verkefni á vettvangi. Nú í sumar hefur einnig verið unnið við að bæta gönguleiðina upp á gýginn sjálfan. Segir Jón það vandasamt verk en áhersla hefur verið lögð á að vinna með náttúruleg efni sem fást á staðnum og ekki þarf að flytja að um langan veg. Slíkir stígar þurfa í senn að vera smekklegir, falla sem best að umhverfinu og vera sæmilega öruggar gönguleiðir þannig að dragi úr hættunni á slysum.

<em>Sjá nánar í Skessuhorni vikunnar.</em>

Bætt aðgengi að Eldborg