medium

large

thumbnail

1536x1536

2048x2048

small

custom-size

Skíðasvæði Snæfellsness blæs í herlúðra

Lokakeppni Vesturlandsdeildar 2024

Snæfell tapaði fyrir Fjölni í körfunni

Háskólinn á Bifröst – uppskeruhátíð nýsköpunar

Frítekjumark námsmanna hækkar og ábyrgðarmannakerfið kvatt

Undirskrifaður samningur Borgarbyggðar og Sjamma ehf

core/freeform

Félagsmenn í Skógræktarfélagi Ólafsvíkur hafa í mörg ár unnið gott starf í uppgræðslu og gróðursetningu trjáplantna í Ólafsvík. Árið 2018 var óskað eftir tillögum að nafni á skóginn þar sem hann hefur aldrei hlotið fórmlegt nafn. Á aðalfundi félagsins síðastliðinn vetur var ákveðið að skógurinn fengi nafnið Réttarskógur. Fer honum það nafn einkar vel enda umlykur hann gömlu réttina sem nú hefur verið í endurhleðslu síðustu árin.

Síðastliðin þrjú ár hafa verið gróðursettar tæplega 40.000 plöntur. Stærsti hlutinn af þeim er íslenskt birki, stafafura, sitkagreni, blágreni en einnig töluvert af reynitrjám, hrim, bergfuru og ösp. Að sögn Vagns Ingólfssonar, formanns Skógræktarfélags Ólafsvíkur, er gaman að sjá að vel hafi tekist til og að nýgræðingurinn sé í góðu standi og lofi góðu, en skógrækt tekur vissulega tíma. Vagn sagði einnig að girðingamál hefðu ekki verið í nógu góðu lagi og oft hafi sauðfé farið inn í reiti félagsins. Það sé á engan hátt nógu gott ef vel á að takast til en bæjarstarfsmenn hafi smátt og smátt verið að lagfæra girðingar og séu girðingarmálin því að færast í betra horf.

<em>Sjá nánar í Skessuhorni sem kom út í dag.</em>

Skógræktarfélag Ólafsvíkur í Réttarskógi