medium

thumbnail

small

custom-size

Viktor með þrennu í stórsigri Skagamanna

large

1536x1536

2048x2048

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

core/freeform

Borgnesingurinn Þórkatla Dagný Þórarinsdóttir er nýútskrifaður stoðtækjafræðingur

Þórkatla Dagný Þórarinsdóttir útskrifaðist nýlega sem stoðtækjafræðingur frá háskólanum í Jönköping í Svíþjóð. Þar hefur hún skotið niður rótum og stundað nám síðastliðin þrjú ár og ver nú sumrinu á Íslandi með kærasta sínum, fjölskyldu og vinum áður en hún heldur aftur út til Svíþjóðar til að hefja störf sem stoðtækjafræðingur.

Þegar Þórkatla útskrifaðist úr Menntaskóla Borgarfjarðar á sínum tíma var hún ekki alveg viss hvað skyldi að taka við eftir stúdentinn. Hún vissi þó að áhuginn lá hjá mannslíkamanum. „Ég hef alltaf haft mikinn áhuga á mannslíkamanum og hvernig hann virkar og sá alltaf fyrir mér að ég myndi vinna með hann á einn eða annan hátt. Ég skráði mig í heilbrigðisverkfræði í Háskólanum í Reykjavík en fann fljótt að það var ekki það sem ég var að leitast eftir,“ segir Þórkatla við blaðamann Skessuhorns. Þórkatla tók eina önn í heilbrigðisverkfræðinni í HR og áttaði sig á því að um of mikla verkfræði væri að ræða. „Ég sá fyrir mér að ef ég hefði haldið áfram þá leið, þá væri ég lítið að vinna með fólki, sem ég sækist mikið í, heldur væri ég meira fyrir framan tölvuna,“ bætir hún við.

Þórkatla tók örfáar beygjur á námsferlinum áður en hún fann loksins stoðtækjafræðina, en eins og fyrr segir þá er þetta nám ekki í boði á Íslandi. Vissi Þórkatla því ekki nákvæmlega hvað það var sem hún leitaði að, en hélt þó ótrauð áfram leitinni. „Ég skráði mig í geislafræði í Háskóla Íslands og tók eitt ár í því námi til að sjá hvort það væri fyrir mig. Í gegnum það nám fékk ég sumarstarf hjá Orkuhúsinu í Reykjavík á röntgendeild en fann fljótt að það væri ekki alveg það sem ég var að leita að,“ segir Þórkatla en þáverandi yfirmaður hennar hjá Orkuhúsinu kom Þórkötlu í samband við starfsmann hjá stoðtækjafyrirtækinu Össuri. „Það var hjá Orkuhúsinu sem ég rambaði inn á stoðtækjafræðina. Ég sendi tölvupóst á Össur og sagði þeim að ég væri að hugsa um að fara að læra stoðtækjafræði. Þau buðu mér að koma í heimsókn sem ég þáði. Þar fékk ég að tala við fólk sem kynnti fyrir mér hvað það væri að gera. Ég fékk í rauninni að vita hvað felst í því að vera stoðtækjafræðingur.“

<a href="http://skessuhorn.is/askrift" rel="noopener noreferrer" target="_blank">Viðtalið við Þórkötlu Dagnýju má lesa í heild sinni í Skessuhorni vikunnar sem kom út í dag.</a>

„Hef alltaf haft áhuga á hvernig mannslíkaminn virkar“