medium

thumbnail

small

custom-size

Leita að 15-18 ára sæskrímslum

large

1536x1536

2048x2048

Umferðin í landshlutanum gekk vel yfir páskana

Guðrún Karítas bætti Íslandsmetið í sleggjukasti í smá stund

Luku páskamótinu í gær

Skagamenn fengu silfrið í Lengjubikarnum

Tekist á fyrir dómi um land og aðgang að því

core/freeform

Skagakonur fóru fýluferð í Hafnarfjörðinn í gær þegar þær töpuðu með einu marki gegn þremur á móti toppliði FH í tíundu umferð 1. deildar kvenna. Mikið rú og stú hefur verið í kringum ÍA liðið síðustu vikur. Fyrst þurfti Bandaríski markvörðurinn, Tori Ornela, frá að hverfa og í kjölfarið óskaði þjálfarateymið, Helena Ólafsdóttir og Aníta Lísa Svansdóttir, eftir því að láta af störfum með liðið. Nýlega var þó tilkynnt að Unnar Þór Garðarson myndi taka við liðinu sem þjálfari og Aron Ýmir Pétursson sem aðstoðarþjálfari. Var leikurinn í gær sá fyrsti sem liðið spilar undir þeirra stjórn.

Skagakonur komu ákveðnar til leiks í Hafnarfirðinum og þurftu FH-ingar að hafa sig alla við. Heimastúlkur náðu þó að snúa leikum sér í hag eftir því sem leið á og gerðust mun áræðnari við mark gestina. Á 34. mínútu fengu FH-ingar hornspyrnu og áttu Skagakonur í vandræðum með að koma boltanum í burtu úr eigin teig. Nýtti Birta Georgsdóttir sér þetta og potaði boltanum í markið. Leiddi FH með einu marki í hálfleik.

ÍA mætti beitt til leiks í síðari hálfleik. Uppskáru Skagastúlkur á 55. mínútu þegar Bryndís Rún Þórólfsdóttir jafnaði metin eftir hornspyrnu. Birta Georgsdóttir var aftur á ferðinni á 62. mínútu þegar hún átti góða sendingu inn á liðsfélaga sinn, Helenu Ósk Hálfdánardóttur, sem var alein í teig ÍA og skilaði boltanum snyrtilega í fjærhornið. 2-1 fyrir FH. Bættu FH konur sínu þriðja marki við á 70. mínútu þegar Selma Dögg Björgvinsdóttir átti þrumufleyg í mark ÍA. Ekki urðu mörkin fleiri og FH sigur staðreynd.

ÍA er í áttunda sæti eftir tíu umferðir með 11 stig á meðan FH trónir á toppi deildarinnar með 25 stig. Næsti leikur ÍA verður gegn Fjölni á Akranesi næstkomandi þriðjudag. Hefst sá leikur klukkan 19:15.

Tap í Kaplakrikanum