medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Skallagrímsmenn þurftu að sætta sig við tap gegn Augnabliki þegar liðin mættust á Skallagrímsvelli í Borgarnesi í 14. umferð 3. deildar karla í gærkvöldi.

Gestirnir mættu ákveðnari til leiks og sóttu hart að heimamönnum á upphafsmínútunum. Stefán Ingi Sigurðarson kom Augnabliki yfir á 19. mínútu eftir góða sókn. Skallagrímsmenn sýndu þó engin merki þess að ætla að slá slöku við og sýndu mikla baráttu og vilja í sýnum aðgerðum. Uppskáru þeir í vítaspyrnu á 37. mínútu. Viktor Ingi Jakobsson fór á punktinn fyrir Borgnesinga og sendi boltann ákveðinn í hægra hornið og jafnaði metin. Staðan 1-1 þegar gengið var til búningsklefa.

Í síðari hálfleik voru heimamenn mun sprækari, þjörmuðu að gestunum og virtust líklegri til að skora. Augnabliksmenn voru hins vegar klókir gegn Borgnesingum. Á 75. mínútu varð einhver ruglingur í sókn þeirra gulklæddu sem gestirnir nýttu sér, hirtu boltann, brunuðu upp völlinn í skyndisókn sem endaði með því að Stefán Ingi skoraði sitt annað mark þegar hann kom sínum mönnum yfir á ný, 1-2. Ekki náði Skallagrímur að jafna metin þrátt fyrir að hafa skapað sér nokkur álitleg marktækifæri og þurftu þeir því að sætta sig við enn eitt tapið.

Eftir þrettán umferðir sitja Skallagrímsmenn í botnsætinu með sex stig, einu stigi á eftir KH sem á þó leik til góða. Augnablik styrkir stöðu sína í botnbaráttunni og eru þeir nú í níunda sæti með þrettán stig. Næsti leikur Skallagríms verður gegn KF á Ólafsfjarðarvelli miðvikudaginn 31. júlí og hefst hann klukkan 19:00.

Súrt tap hjá Skallagrími