medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Heimildamyndahátíðin Icelandic Documentary Film Festival hefst á Akranesi í kvöld, miðvikudaginn 17. júlí, og stendur fram á sunnudag. Á hátíðinni verða sýndar 50 heimildamyndir alls staðar að úr heiminum, þar af 30 í fullri lengd.

Lagt er upp úr fjölbreyttri dagskrá, léttum myndum og þungum auk barnamyndum. „Við ætlum að hafa sérstaka barnadagskrá á morgnana samhliða hátíðinni,“ sagði Ingibjörg Halldórsdóttir, einn skipuleggjenda hátíðarinnar, í samtali við Skessuhorn í síðustu viku. Þá verður ratleikur á laugardaginn og fjör á Akratorgi og skemmtiatriði fyrir alla á kvöldin. Sem dæmi má nefna að á laugardaginn mætir Húlladúllan og skemmtir og börnin fá að prófa að húlla. Harmonikkukóngurinn Reynir Jónasson skemmtir gestum með ljúfum tónum og Blaðrarinn býr til furðuhluti úr blöðrum fyrir börnin. Haldin verður snú snú keppni og boðið upp á andlitsmálningu, hoppað í París og krítað. Enn fremur verða stuttar heimildarmyndir verða sýndar á hátíðinni, ætlaðar börnum og ungmennum á aldrinum 10 til 16 ára.

Myndirnar verða sýndar í Bíóhöllinni, Tónbergi og Byggðasafninu í Görðum. Dagskráin er nokkuð þétt en þó verða allar myndir sýndar tvisvar sinnum. Opnunarmynd hátíðarinnar ber heitið In Touch, en það er heimildarmynd um þorpið Stare Juchy í Póllandi. Stór hluti íbúa þaðan hefur flutt til Íslands undanfarna áratugi og ekki snúið aftur. Sú mynd verður sýnd í Bíóhöllinni kl. 19:30 í kvöld, miðvikudaginn 17. júlí.

Nánar um dagskrá hátíðarinnar í auglýsingu í Skessuhorni vikunnar og á heimasíðunni <a href="http://www.icedocs.is">www.icedocs.is</a>.

IceDocs hefst á Akranesi í kvöld