medium

large

thumbnail

1536x1536

2048x2048

small

custom-size

Frítekjumark námsmanna hækkar og ábyrgðarmannakerfið kvatt

Undirskrifaður samningur Borgarbyggðar og Sjamma ehf

Skammir frá Einari

Matthías Leó og Særós stóðu sig vel á Evrópumótinu í keilu

Myndamorgunn í Safnahúsi Borgarfjarðar

Svaf ekki svo vikum skipti

core/freeform

Landslið Íslands í hestaíþróttum, sem keppir á Heimsmeistaramóti íslenska hestsins í Berlín 4.-11. ágúst, var kynnt í gær. Sigurbjörn Bárðarson landsliðsþjálfari fór yfir val á knöpum og hestum liðsins. Þar var litið til árangurs á þremur WorldRanking-mótum og var Íslandsmótið í byrjun mánaðarins það síðasta af þeim mótum. Þá var sömuleiðis litið til árangurs knapa á stórmótum erlendis.

Fjórir knapanna urðu heimsmeistarar árið 2017 og hafa rétt á að verja sína titla á komandi heimsmeistaramóti. Þeir eiga því öruggt sæti í liðinu. Sjö knapar eru valdir í flokki fullorðinna og fimm í ungmennaflokki. Þá verða sex hross frá Íslandi í kynbótasýningu á mótinu.

Meðal keppenda eru Vestlendingarnir Jakob Svavar Sigurðsson og Máni Hilmarsson, sem báðir urðu heimsmeistarar árið 2017. Jakob Svavar og Júlía frá Hamarsey keppa í fjórgangi og tölti og Máni og Lísbet frá Borgarnesi keppa í fjórgangi og slaktaumatölti.

Aðrir ríkjandi heimsmeistarar eru Gústaf Ásgeir Hinriksson, sem keppir á Sprota frá Innri-Skeljabrekku í fimmgangi, gæðingaskeiði og slaktaumatölti. Þeir eiga báðir rætur sínar á Vesturlandi sem og Konráð Valur Sveinsson sem keppir á Losta frá Ekru í 100 m skeiði, gæðingaskeiði og 250 m skeiði.

Í flokki fullorðinna keppa Árni Björn Pálsson og Flaumur frá Sólvangi í fjórgangi og slaktaumatölti, Ásmundur Ernir Snorrason og Frægur frá Strandarhöfða í fjórgangi og slaktaumatölti, Bergþór Eggertsson og Besti frá Upphafi í 250 m skeiði, gæðingaskeiði og 100 m skeiði, Guðmundur Björgvinsson og Glúmur frá Þóroddsstöðum í 100 m skeiði og 250 m skeiði, Jóhann Rúnar Skúlason og Finnbogi frá Minni-Reykjum í tölti og fjórgangi, Olil Amble og Álfarinn frá Syðri-Gegnishólum í fimmgangi, tölti og gæðingaskeiði og Teitur Árnason og Dynfari frá Steinnesi í gæðingaskeiði, 100 m skeiði og 250 m skeiði.

Í flokki ungmenna keppa Ásdís Ósk Elvarsdóttir og Koltinna frá Varmalæk í tölti og fjórgangi, Benjamín Sandur Ingólfsson og Messa frá Káragerði í gæðingaskeiði, 250 m skeiði og 100 m skeiði, Glódís Rún Sigurðardóttir og Trausti frá Þóroddsstöðum í fimmgangi, gæðingaskeiði, slaktaumatölti og 100 m skeiði, Hákon Dan Ólafsson og Stirnir frá Skriðu í fjórgangi og slaktaumatölti og Ylfa Guðrún Svafarsdóttir og Bjarkey frá Blesastöðum í fimmgangi og gæðingaskeiði.

<strong>Kynbótahross frá Íslandi verða eftirfarandi:</strong>

Elja frá Sauðholti, 7 v. og eldri, knapi Árni Björn Pálsson

Nói frá Stóra-Hofi, 7 v. og eldri, knapi Árni Björn Pálsson

Eyrún Ýr frá Hásæti, 6 v., knapi Eyrún Ýr Pálsdóttir

Spaði frá Barkarstöðum, 6 v., knapi Helga una Björnsdóttir

Mjallhvít frá Þverholtum, 5 v., knapi Þórður Þorgeirsson

Hamur frá Hólabaki, 5 v., knapi Tryggvi Björnsson.

„Mikill hugur er í liðsmönnum og væntingar um góðan árangur í mótinu,“ segir á vef Landssambands hestamannafélaga. Hestarnir fljúga áleiðis til Berlínar 29. júlí í fylgd nokkurra knapa og fulltrúa landsliðsnefndarinnar. Landsliðið flýgur síðan út tveimur dögum síðar, en mótið hefst sem fyrr segir sunnudaginn 4. ágúst næstkomandi.

Landsliðið í hestaíþróttum kynnt