medium

large

thumbnail

1536x1536

small

custom-size

Handbók um siðareglur ráðherra gefin út

Slökkvilið landsins sinntu 683 útköllum á fyrsta ársfjórðungi 2024

Hleðslugarður Orku náttúrunnar við Digranesgötu í Borgarnesi

Skagamenn komnir upp við vegg í körfunni

Snæfell tapaði í leik eitt gegn Tindastól

2048x2048

Magnús 60 ára í dag

core/freeform

Skagakonur máttu sætta sig við 0-1 tap gegn Augnabliki þegar liðin mættust í áttundu umferð Inkasso deildar kvenna í knattspyrnu. Leikið var á Akranesi í gærkvöldi.

Gestirnir úr Kópavogi voru betri í fyrri hálfleik og skoruðu eina mark leiksins á 19. mínútu. Bergþóra Sól Ásmundsdóttir tók sprett upp vinstri kantinn, sendi á fjærstöng þar sem Þórdís Katla Sigurðardóttir renndi sér á boltann og skilaði honum í netið.

Skagakonur voru meira með boltann eftir markið en náðu ekki að skapa sér mörg færi gegn Augnabliksliðinu sem féll til baka og beitti skyndisóknum. Besta færi ÍA í fyrri hálfleik fékk Róberta Lilja Ísólfsdóttir þegar hún átti þrumuskot utan vítateigs sem small í innanverðri stönginni og staðan 0-1 í hléinu.

Skagakonur byrjuðu síðari hálfleikinn af miklum krafti án þess þó að skapa sér nein dauðafæri. Veronica Líf Þórðardóttir átti skalla rétt framhjá markinu eftir hornspyrnu eftir tæplega klukkustundar leik. Augnabliksliðið féll langt til baka og sókn ÍA þyngdist síðasta hálftímann eða svo en inn vildi boltinn ekki. Andrea Magnúsdóttir fékk gott færi á 85. mínútu eftir góða sendingu frá Anítu Sól Ágústsdóttur en náði ekki nógu góðu skoti að marki. ÍA átti síðan góðan skalla rétt framhjá markinu í uppbótartíma. Fleiri urðu færin ekki og Augnablik fór með sigur af hólmi, 0-1.

ÍA situr í sjötta sæti deildarinnar með ellefu stig, jafn mörg og Grindvíkingar í sætinu fyrir neðan en stigi á eftir Augnabliki í sætinu fyrir ofan. Næsti leikur Skagakvenna er heimaleikur gegn Tindastóli föstudaginn 19. júlí næstkomandi.

Inn vildi boltinn ekki