medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Bæjarhátíðin Írskir dagar hefst á morgun á Akranesi og mun standa fram á sunnudagskvöld. Er þetta jafnframt 20 ára afmæli hátíðarinnar og eins og venja er fyrir verður þétt dagskrá alla hátíðina og allir ættu að geta fundið eitthvað við sitt hæfi. Að sögn Fríðu Kristínar Magnúsdóttur, viðburðarstjóra Akraneskaupstaðar, hefur undirbúningur fyrir hátíðina gengið mjög vel. „Mikil stemning hefur myndast í bænum fyrir hátíðina,“ segir Fríða. Hátíðin verður sett klukkan 14 á morgun fyrir framan bæjarskrifstofurnar við Stillholt 16-18. Sveppi og Villi mæta og taka lagið með leikskólabörnum. Eftir setninguna verður boðið upp á ýmsa skemmtun eins og nerfbyssur og boltafjör á túninu við Suðurgötu og bóka- og sögugöngu frá Bókasafni Akraness. „Um kvöldið verður Valgerður Jónsdóttir með tónleika í Stúkuhúsinu þar sem hún mun syngja uppáhalds írsku lögin sín. Á föstudeginum verður líf og fjör við Akratorg þar sem boðið verður upp á lifandi tónlist, dans og fleira. Við Kirkjubraut 11 verður sett upp uppblásin 50 metra hindrunarbraut sem ekki hefur verið boðið upp á áður á Írskum dögum,“ segir Fríða. Á föstudagskvöldinu ef hefð fyrir því að nágrannar komi saman og haldi götugrill og að þessu sinni fær mest skreytta gatan trúbador til að halda uppi stemningunni yfir grillinu auk þess sem í verðlaun veðrur glaðningur frá Einarsbúð.

Á laugardeginum verður Sandkastalakeppnin á sínum stað og Sjóbaðsfélag Akraness mun standa fyrir Helgasundi til minningar um Helga Hannesson. „Settur verður upp skottmarkaður á bílastæðinu fyrir framan Brekkubæjarskóla þar sem allir sem vilja geta verið með, en mikilvægt er að skrá sig á <a href="mailto:irskirdagar@akranes.is">irskirdagar@akranes.is</a>. Um hádegið hefst skemmtidagskrá við Akratorg þar verða meðal annars BMX Bros að sýna listir sínar, Ingó Geirdal töframaður kemur og rauðhærðasti Íslendingurinn verður krýndur. Karnival stemning verður á Merkurtúni,“ segir Fríða. Um kvöldið verður hinn vinsæli brekkusöngur með Ingó á Þyrlupallinum við Akranesvöll áður en Lopapeysan hefst, sem hefur oft verið sagt skemmtilegasta sveitaball landsins. Á sunnudaginn verður aftur karnival á Merkurtúni og Leikhópurinn Lotta flytur leikritið Litla hafmeyjan í Garðalundi. Væringjar verða á Byggðasafninu í Görðum þar sem kynntar verða atskylmingar og áhugasamir fá að spreyta sig.

Írskir dagar hefjast á Akranesi á morgun