medium

large

thumbnail

1536x1536

2048x2048

small

custom-size

Skagamenn í öðru sæti eftir stórsigur á Fylki

Línur teknar að skýrast í baráttunni um Bessastaði

Fimm kóra mót var haldið á Akranesi

Borgfirðingar tóku á móti Rangæingum í Brún

Skeifudagur, afmæli Grana og útskrift úr Reiðmanninum framundan

Sundgarpar í Borgarnesi

core/freeform

Næstkomandi laugardag, 6. júlí, verður árleg hátíð Hvanneyringa og gesta þeirra haldin. Að þessu sinni verður sérstaklega fagnað 70 ára afmæli Ferguson dráttarvéla á Íslandi og að 130 ár eru liðin frá því landbúnaðarfræðsla hófst á Hvanneyri og hefur verið samfelld síðan. Fergusonfélagið og Jötunn vélar ætla að setja upp sýningu þar sem gestir geta séð þróun Ferguson dráttarvéla hér á landi. „Þarna verður fyrsta vélin af þessari tegund sem kom til landsins og nýjustu vélarnar sem verið er að selja í dag, og allt þar á milli. Bjarni Guðmundsson verður með smá hugleiðingu varðandi Ferguson, þar sem hann fer stuttlega yfir sögu þessara véla hér á landi,“ segir Ragnhildur Helga Jónsdóttir, safnstjóri Landbúnaðarsafnsins á Hvanneyri í samtali við Skessuhorn.

Meðal þess sem verður á dagskrá þennan hátíðardag er traktorafimi þar sem keppt verður í leikni í akstri á eldri dráttarvélum. Guðmundur Hallgrímsson stýrir keppni og hvetur lipra búmenn og bændasyni til þátttöku, ýmist á eigin vélum eða lánsvélum sem verða til taks. Þá verður markaðsstemning í gamla íþróttahúsinu og Kvenfélagið 19. júní verður með sýningu á lopapeysum í Frúargarðinum. Auk þess verður opið á hefðbundnar sýningar á Landbúnaðarsafninu og í Ullarselinu.

Í tilefni afmælis landbúnaðarfræðslu á Hvanneyri verður Landbúnaðarháskólinn opinn gestum sem vilja skoða og kynna sér aðstöðu og námsframboð. „Í skólanum verður hægt að kynna sér aðeins söguna og skoða myndir sem hanga þar á veggjum. Þá mun Ragnheiður I. Þórarinsdóttir rektor halda stutt ávarp í upphafi hátíðar,“ segir Ragnhildur. Í skólastjóraíbúðinni verður ljósmyndasýning barna frá Hvanneyri. „Flóki Kristinsson hefur verið með ljósmyndanámskeið síðustu daga fyrir börn á aldrinum 10-11 ára og á hátíðinni verður hægt að sjá afrakstur námskeiðsins. Það er virkilega skemmtilegt að fá að sjá hvað kemur út úr því,“ segir Ragnhildur.

Fastir liðir eins og kaffisala Kvenfélagsins 19. júní verður á sínum stað, farið verður í leiðsögn um Yndisgróður og hægt að fá fræðslu um býflugnarækt. Skemman verður opin og fleira skemmtilegt. Að sögn Ragnhildar er von á góða veðrinu og því ekki úr vegi að leggja leið sína á Hvanneyri og njóta dagsins.

Hvanneyrarhátíð um komandi helgi