medium

large

thumbnail

1536x1536

2048x2048

small

custom-size

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

core/freeform

Margir muna eftir lágreistu byggingavöru- og veiðarfæraversluninni Axelsbúð á Akranesi sem sem rekin var frá 1942 til 2005 við Suðurgötu 7-9 í skjóli HB húsanna. Sama ár og rekstri var hætt var Axelsbúð rifin og hluta innréttinga og hinum fræga rauða kókkæli komið fyrir á Byggðasafninu í Görðum. Eftir að rekstri Axelsbúðar var hætt fór Axel Gústafsson, afabarn og nafni stofnanda verslunarinnar, að starfa við annað. Sumarið 2008 keypti hann rekstur reiðhjólaverkstæðis sem starfrækt var við Suðurgötu og fór að dunda við hjólaviðgerðir heima hjá sér. „Það var eiginlega tilviljun að ég leiddist út í hjólabransann. Ég hafði gefið dóttur minni hjól 2008 og fór með það í viðgerð og frétti að verkstæðið væri til sölu. Það kom sér vel að hafa keypt það því eftir gjaldþrot bankanna þá um haustið missti ég vinnuna, hafði starfað í verslun N1 árin á undan. Það voru margir sem fóru illa út úr þessu blessaða hruni. En fyrir mig var þetta gæfuspor. Vinnan við reiðhjólin hefur heldur betur undið utan á sig og nú er svo komið að ég hef nóg að gera við viðgerðir en auk þess sel ég varahluti og aukahluti í reiðhjól, hjólahjálma og annan búnað sem þessu fylgir.“ Axel hefur söluumboð fyrir Örninn reiðhjólaverslun og selur meðal annars grimmt Trek reiðhjól sem slegið hafa í gegn á liðnum árum. Axel er nýbúinn að taka í notkun nýtt 95 fermetra húsnæði áfast heimili hans við Merkigerði 2. Þar er nú Axelsbúð endurvakin, Axel stendur vaktina og er alsæll með verkefnið og hvernig til hefur tekist með bygginguna.

<em>Sjá nánar í Skessuhorni vikunnar.</em>

Axelsbúð endurvakin við Merkigerði