medium

large

thumbnail

small

custom-size

Bjarki Pétursson varð í sjöunda sæti

1536x1536

Snæfell kom sér inn í einvígið gegn Tindastóli

Gleði og glaumur á söngleiknum Grease

2048x2048

Kallað eftir tilnefningum til foreldraverðlauna

Fellsströndin og Gullni söguhringurinn

Salmonella í kjúklingi frá Matfugli

core/freeform

Gríðarstór hópsýning myndlistarmanna verður opnuð víðsvegar um Snæfellsnes á morgun, laugardag, og verður opin fram í byrjun september. Formleg opnun sýningarinnar verður í Breiðabliki, miðstöð Svæðisgarðsins Snæfellsness, sem formlega verður opnuð sama dag. Ber sýningin nafnið Nr. 3 Umhverfing og er með nafngiftinni vísað til að Umhverfing flakkar í kringum landið og er afmarkaður landshluti undir hverju sinni. Verkefnið er samstarf Akademíu skynjunarinnar, undir stjórn sýningarstjóranna Ragnhildar Stefánsdóttur, Önnu Eyjólfs og Þórdísar Öldu Sigurðardóttur, auk Svæðisgarðsins Snæfellssnes. Bók hefur verið gefin út um verkefnið þar sem lesa má sitthvað um sýninguna, listamenn og staðsetningu verkanna sem dreift hefur verið á 15 staði á Snæfellsnesi.

Fyrsta Umhverfing var á Sauðárkróki, önnur á Austfjörðum og nú var röðin komin að Snæfellsnesi. „Hugmyndin er að setja upp myndlistarsýningar á stöðum og í húsnæði þar sem ekki er hefð fyrir nútíma myndlistarsýningum og þar sem oft fyrirfinnst ekki hefðbundið sýningarhúsnæði fyrir myndlistarsýningar. Markmið verkefnisins Umhverfing er að setja upp myndlistarsýningar á verkum myndlistarmanna í þeirra „heimabyggð“ það er byggðarlagi sem þeir tengjast búsetu- eða ættarböndum. Hugtakið Umhverfing hefur marglaga merkingu; að snúast, fara í hringi, taka breytingum, umhverfast. Það vísar í umhverfið, náttúruna og landið. Umhverfið hefur áhrif á okkur og við höfum áhrif á umhverfið. Úr hvaða umhverfi komum við, hvar liggja rætur okkar?“ Þannig segir í kynningu á verkefninu.

Undanfarna daga hefur fimm manna hópur unnið að uppsetningu verka víðsvegar um Snæfellsnes auk þess sem listamenn hafa sjálfir verið á ferðinni. Óhætt er að segja að veðrið hafi leikið við mannskapinn. Hugmyndin er sú að ferðafólk geti flakkað um svæðið og kíkt á verk ólíkra myndlistarmanna á fjölmörgum stöðum.

<strong>71 listamaður</strong>

Alls tekur 71 listamaður þátt í sýningunni og hafa þeir ólíka tengingu við svæðið.  Voru þeir valdir úr stórum hópi umsækjenda. Listamennirnir eru í stafrófsröð:

Aðalheiður Valgeirsdóttir, Anna Eyjólfs, Anna G. Torfadóttir, Anna Gunnlaugsdóttir, Arnaldur Máni Finnsson, Arndís Arnardóttir, Árni Páll Jóhannsson, Áslaug Sigvaldadóttir, Ásta Sigurðardóttir, Bjarni Þórarinsson, Björn Roth, Dóra Kristín Halldórsdóttir, Dieter Roth, Edda Þórey Kristfinnsdóttir, Elva Hreiðarsdóttir, Elsa Dórothea Gísladóttir, Erró, Freyja Eilíf, Guðrún Vera Hjartardóttir, Gunnar Jónsson, Harpa Árnadóttir, Helgi Þorgils Friðjónsson, Hildur Margrétardóttir, Hjördís Halla Eyþórsdóttir, Hulda HreinDal Sig., Inga Sigga Ragnarsdóttir, Ingibjörg Sigurjónsdóttir, Ísak Snorri Marvinsson, John Zurier, Jóhanna Hreinsdóttir, Jón Sigurpálsson, Jóhanna Hreinsdóttir, Jón Sigurpálsson, Jón Þorsteinsson, Karna Sigurðardóttir, Katrín Agnes Klar, Katrín Lilja Kristinsdóttir, Kestutis Musteikis, Kristján Guðmundsson, Logi Bjarnason, Lúðvík Karlsson – Liston, Magdalena Margrét Kjartansdóttir, Magnús Þór Jónsson – Megas, Magnús Sigurðarson, Margrét Elfa Ólafsdóttir, Margrét Blöndal, Margrét Jónsdóttir, Nina Hubbs Zurier, Niels Hafstein, Ósk Vilhjálmsdóttir, Peter Lang, Ragnar Kjartansson, Ragnar Kjartansson, Ragnhildur Ágústsdóttir, Ragnhildur Stefánsdóttir, Ragnhildur Lára Weisshappel, Rakel Steinarsdóttir, Rannveig Jónsdóttir, Rósa Njálsdóttir, Rúrí, Sigríður Björnsdóttir, Sigurborg Stefánsdóttir, Sigurður Guðmundsson, Sjøfn Har, Sólrún Halldórsdóttir, Steingerður Jóhannsdóttir, Steingrímur Eyfjörð, Þórunn Björnsdóttir, Þóra Karlsdóttir, Þuríður Sigurðardóttir, Þórdís Alda Sigurðardóttir, Þórður Halldórsson frá Dagverðará og Æsa Björk.

Erró og Megas í hópi sýnenda á Snæfellsnesi