medium

thumbnail

small

custom-size

Skeifudagur, afmæli Grana og útskrift úr Reiðmanninum framundan

large

1536x1536

Sundgarpar í Borgarnesi

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

core/freeform

Hið árlega Norðurálsmót í knattspyrnu fer fram á Akranesi um helgina, dagana 21.-23. júní. Mótið er eitt stærsta íþróttamót landsins, ætlað drengjum í 7. flokki, á aldrinum sex til átta ára. „Það stefnir í metþátttöku í ár,“ segir Sigurður Þór Sigursteinsson, framkvæmdastjóri Knattspyrnufélags ÍA, í samtali við Skessuhorn. „Búast má við því að mikill fjöldi fólks sæki Akranes heim á meðan mótinu stendur. Ég hvet alla bæjarbúa til að taka höndum saman og gera þetta að frábærri helgi, því Norðurálsmótið er mikil lyftistöng fyrir bæjarfélagið,“ segir Sigurður.

Dagskrá mótsins er með hefðbundnu sniði. Keppendur ganga í skrúðgöngu frá bæjarskrifstofunum kl. 10:45 á morgun, föstudag. Leiðin liggur í Akraneshöllina þar sem mótið verður sett. Að lokinni setningu mótsins hefst síðan keppni fyrsta mótsdags og stendur þar til mótinu lýkur kl. 13:00 á sunnudag.

Að sögn Tjörva Guðjónssonar, verkefnastjóra hjá KFÍA, hafa 1.450 keppendur frá 36 aðildarfélögum boðað komu sína á mótið þegar þessi orð eru rituð á mánudegi. Áætlað er að keppendum fylgi samtals um 4.500 manns. Heildarfjöldi gesta sem sækir Akranes heim á meðan mótinu stendur er því farinn að nálgast 6.000. Enn fremur kveðst hann eiga von á því að fleiri dvelji á Akranesi alla mótsdagana en áður. „Skráning á tjaldsvæðið er meiri en verið hefur. Það virðist vera að færast í aukana að fólk úr Reykjavík verji allri helginni á Akranesi, í stað þess að keyra á milli kvölds og morgna. Það stefnir allt í blússandi flott mót,“ segir Tjörvi að endingu.

Stefnir í metþátttöku í Norðurálsmótinu