medium

large

thumbnail

1536x1536

small

custom-size

Lækkun á ráðlögðum grásleppuafla

2048x2048

Finnst alveg rosalega gaman að ferðast

Fermingardagurinn minn

Sterkur sigur Skallagríms á Þór

Eftirminnilegar fermingar

Uppbygging á aðstöðu til jarðræktarrannsókna að hefjast á Hvanneyri

core/freeform

Stykkishólmsbær hefur verið valinn til að taka þátt í íbúasamráðsverkefni Sambands íslenskra sveitarfélaga og Akureyrarkaupstaðar. Þrjú sveitarfélög voru valin til þátttöku í verkefninu, auk Akureyrar. Verkefnið snýst um að aðstoða þátttökusveitarfélögin við að beita þeim samráðsaðferðum sem kynntar eru í handbók SÍS um íbúasamráð frá 2017. Öllum sveitarfélögum á landinu gafst kostur á að sækja um þátttöku í verkefninu, en gert hafði verið ráð fyrir því að velja þrjú til viðbótar við Akureyrarkaupstað, sem átti frumkvæðið að þessu verkefni. Stykkishólmsbær sótti um og var valinn.

„Umsókn Stykkishólmsbæjar snýr í megindráttum að því að fá íbúa til samráðs um skipulag og útfærslu leikvalla og göngustíga. Ljóst er að með samráði við íbúa getur náðst aukin sátt um stefnumótun sem skapar stöðugleika, samheldni og ýtir undir almenna hagsæld. Stykkishólmsbær vill gefa íbúum raunveruleg tækifæri á að koma sínum sjónarmiðum á framfæri og nýta krafta þeirra til þess að gera breytingar sem henta íbúum og hæfa verkefninu sem um ræðir. Í krafti fjöldans er þannig möguleiki að finna einfaldar og notadrjúgar útfærslur í málaflokknum,“ segir á vef Stykkishólmsbæjar.

Þar segir enn fremur að verkefni muni fara af stað af fullum krafti í haust. Sveitarfélögin sem taka þátt fá stuðning til að undirbúa og framkvæma samráð í raunverulegum aðstæðum innan síns sveitarfélags. Hugmyndin er að þannig megi afla þekkingar og reynslu sem nýst geti öðrum sveitarfélögum í framhaldinu.

Stykkishólmur tekur þátt í íbúasamráðsverkefni