medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Víkingur Ó. vann góðan sigur á Þór Ak. í fjórðu umferð Inkasso deildar karla í knattspyrnu á föstudagskvöld, 2-0. Leikið var á Ólafsvíkurvelli.

Heimamenn fengu óskabyrjun og komust yfir strax á 8. mínútu leiksins. Martin Kuittinen tók hornspyrnu frá hægri og sendi boltann fyrir. Ívar Örn Árnason reis manna hæst í vítateignum og skallaði í átt að marki þar sem Jacob Andersen potaði honum í netið eins og sönnum framherja sæmir.

Þórsarar sóttu í sig veðrið eftir að heimamenn komust yfir og fengu vítaspyrnu á 20. mínútu. Nacho Gil, sem skoraði úr tveimur vítaspyrnum í síðasta leik, fór á punktinn en spyrna hans var hins vegar afleit og framhjá markinu. Jafnræði var með liðunum næstu 20 mínúturnar, eða allt þar til Ólafsvíkingar fengu vítaspyrnu á 40. mínútu leiksins. Jacob ætlaði framhjá Aroni Birki Stefánssyni, markverði Þórs, sem felldi hann og vítaspyrna dæmd. Harley Willard tók spyrnuna og skoraði af miklu öryggi. Víkingur Ó. var 2-0 yfir í hálfleik.

Gestirnir frá Akureyri byrjuðu síðari hálfleikinn af miklum krafti en vörn Víkings Ó. stóð sína plikt. Vörn Víkinga var frábær allan leikinn og líklega það sem skóp sigur heimamanna. Leikurinn róaðist síðan eftir því sem leið á og liðin sköpuðu sér ekki mikið af færum. Það var ekki fyrr en á lokamínútunum að gestirnir sóttu í sig veðrið að nýju. Þeir höfðu hins vegar ekki erindi sem erfiði og liðsmenn Víkings Ó. hrósuðu 2-0 sigri.

Ólafsvíkingar eru í öðru sæti deildarinnar með tíu stig eftir fyrstu fjórar umferðirnar, jafn mörg stig og topplið Keflavíkur og stigi meira en Fjölnir í sætinu fyrir neðan. Næsti leikur Víkings Ó. er útileikur gegn Leikni R. á föstudaginn, 31. maí.

Sterkur varnarleikur skóp sigurinn