medium

large

thumbnail

1536x1536

2048x2048

small

custom-size

Efnisleki hjá Al á Grundartanga – ekki mengunarhætta

Leikskólabörnum fjölgar um 19% á Akranesi

Píludeild Skallagríms stofnuð

Dalabyggð bregst við vegna breytinga á póstafgreiðslu

Bátafélagið Ægir sendir frá sér áskoranir

Leita að 15-18 ára sæskrímslum

core/freeform

ÍA styrkti stöðu sína á toppi Pepsi Max deildar karla í knattspyrnu með 2-0 sigri á Stjörnunni á Akranesvelli í gærkvöldi.

Stjarnan byrjaði af krafti og náði Guðjón Baldvinsson skoti á markið strax á fyrstu mínútu leiksins. Það gaf hins vegar ekki tóninn fyrir það sem á eftir kom, því fyrri hálfleikur var fremur bragðdaufur. Skagamenn spiluðu þétta vörn og hvorugt liðið náði að skapa sér nein alvöru marktækifæri.

Áfram var jafnræði með liðunum í upphafi síðari hálfleiks, eða allt þar til Einar Logi Einarsson kom Skagamönnum yfir á 54. mínútu. Eftir innkast frá vinstri fékk Steinar Þorsteinsson boltann, sendi góða sendingu fyrir markið á Einar sem skoraði af stuttu færi.

Stjörnumenn virkuðu slegnir og fóru varla yfir miðju fyrst eftir markið. Eftir það komst leikurinn í meira jafnvægi, en Skagamenn voru heilt yfir áræðnari í sínum aðgerðum. Þeir náðu nokkrum ágætum sprettum án þess þó að skapa sér nein opin marktækifæri.

Eftir því sem leið á leikinn reyndu Stjörnumenn hvað þeir gátu að jafna metin, en aðgerðir þeirra virkuðu ekki líklegar til árangurs. Það var síðan í uppbótartíma sem Skagamenn innsigluðu sigur sinn. Eftir aukaspyrnu frá vinstri vængnum var boltinn sendur fyrir markið. Skagamenn unnu fyrsta boltann á fjær, boltinn barst fyrir markið að nýju og þar renndi Steinar sér á hann og skoraði af stuttu færi.

Skagamenn hafa 16 stig á toppi deildarinnar eftir sex umferðir, þremur stigum meira en Breiðablik í sætinu fyrir neðan. Næsti deildarleikur ÍA verður gegn ÍBV í Vestmannaeyjum 2. júní næstkomandi. Í millitíðinni leika Skagamenn hins vegar gegn FH í Mjólkurbikarnum. Sá leikur fer fram fimmtudaginn 30. maí.

Skagamenn tróna á toppnum