medium

thumbnail

small

custom-size

Lúðrasveit lék fyrir Borgnesinga

large

1536x1536

2048x2048

Skagamenn í öðru sæti eftir stórsigur á Fylki

Línur teknar að skýrast í baráttunni um Bessastaði

Fimm kóra mót var haldið á Akranesi

Borgfirðingar tóku á móti Rangæingum í Brún

Skeifudagur, afmæli Grana og útskrift úr Reiðmanninum framundan

core/freeform

Nýverið svaraði Kristján Þór Júlíusson sjávarútvegsráðherra tveimur fyrirspurnum frá Ingu Sæland, formanni Flokks fólksins, þar sem þingmaðurinn spurði út í sitthvað sem snertir strandveiðar og reynslu af þeim. Önnur fyrirspurnin sneri að árangri strandveiðitímabils síðasta árs en hin fjallaði um gjöld á strandveiðar frá því strandveiðar hófust 2009 til ársins 2018. Varðandi strandveiðar síðasta árs kom fram í svari Kristjáns Þórs að nærri helmingi þorsks sem barst á land, eða 44,3%, hafi verið landað á svæði A sem nær frá Eyja- og Miklaholtshreppi til Súðavíkurhrepps. 41,3% af heildarviðmiði afla er á þessu svæði. Þar voru einnig langflestar landanir eða 6.473 í fyrrasumar og mestur fjöldi báta eða 202 af þeim 548 bátum sem fóru á strandveiðar. Meðalverð á þorski var mjög áþekkt á öllum fjórum veiðisvæðunum. Það var frá 230,67 kr./kg. á svæði A í 236,94 kr./kg. á svæði C sem er Norðausturland og Austfirðir. Meðalaflaverð á strandveiðiþorski yfir landið var 233,12 kr./kg.

Í svari við fyrirspurn Ingu kemur einnig fram að 90,4% alls strandveiðiaflans var landað með sölu á fiskmörkuðum hér á landi. Það stangast á við fullyrðingar sem hafa heyrst frá andstæðingum strandveiða um að einhverjum verulegum hluta aflans hafi verið landað í gáma til vinnslu og sölu í Bretlandi. Heildar aflaverðmæti strandveiðiaflans í fyrra var 2,2 milljarðar króna. Þar af var þorskur 2,1 milljarður.

Í svari ráðherra kemur einnig fram að þegar litið er til veiðigjalda þá skiluðu strandveiðar 763 milljónum króna í ríkissjóð frá upphafi veiðanna 2009, reiknað til núvirðis. Veiðigjöld á strandveiðar hafa aldrei verið hærri en þau voru í fyrra, voru þá 170 milljónir króna. Til samanburðar voru þau 92 milljónir árið 2017. Veiðigjöldin á þessar veiðar lækkar í ár samkvæmt nýlega samþykktu strandveiðifrumvarpi og eru áætluð um 100 milljónir króna. Frá því að strandveiðar hófust hafa útgerðir strandveiðibáta greitt 342 milljónir króna reiknað til núvirðis í sérskatt strandveiða til hafna landsins, en hver bátur greiðir 50.000 krónur í þetta gjald árlega.

Ýmis tölfræði um strandveiðar Íslendinga