medium

thumbnail

small

custom-size

Lúðrasveit lék fyrir Borgnesinga

large

1536x1536

2048x2048

Skagamenn í öðru sæti eftir stórsigur á Fylki

Línur teknar að skýrast í baráttunni um Bessastaði

Fimm kóra mót var haldið á Akranesi

Borgfirðingar tóku á móti Rangæingum í Brún

Skeifudagur, afmæli Grana og útskrift úr Reiðmanninum framundan

core/freeform

Skagakonur unnu góðan útisigur á Fjölni í ótrúlegum leik í Inkasso deild kvenna á sunnudag, 1-3. Leikið var í Grafarvogi og það voru heimakonur sem voru öflugri í leiknum. Þær bókstaflega óðu í færum, fengu hvert dauðafærið á fætur öðru en nýtingin var aftur á móti ekki upp á marga fiska. Á meða nýttu Skagakonur sín tækifæri vel, skoruðu þrjú mörk gegn einu marki Fjölnis og fengu þrjú stig út úr leiknum.

Ekkert mark var skorað í fyrri hálfleik en hann var engu að síður mjög líflegur og skemmtilegur. Fjölnisliðið var mun sterkara, fékk fullt af færum en klúðruðu þeim öllum.

Fjölnisliðið var áfram betra í upphafi síðari hálfleiks og það var því gegn gangi leiksins þegar Erla Karitas Jóhannesdóttir kom ÍA yfir á 60. mínútu. Eftir fyrirgjöf frá hægri og smá at í teignum féll boltinn fyrir fætur Erlu sem sendi hann í autt markið. Þremur mínútum síðar sendi Bryndís Rún Þórólfsdóttir langan bolta inn fyrir vörn Fjölnis á Ólöfu Sigríði Kristinsdóttur sem skoraði og kom ÍA tveimur mörkum yfir.

Fjölnir minnkaði muninn á 78. mínútu þegar Hjördís Erla Björnsdóttir skoraði eftir sendingu frá Söru Montoro. Það dugði þeim hins vegar skammt, því Skagakonur innsigluðu sigurinn á lokamínútu venjulegs leiktíma. Fríða Halldórsdóttir komst auðveldlega með boltann upp í vinstra hornið, sendi hann fyrir á Veronicu Líf Þórðardóttur sem lyfti honum snyrtilega yfir markvörðinn og í hornið fjær.

Eftir fyrstu tvær umferðirnar sitja Skagakonur í fjórða sæti deildarinnar með fjögur stig, jafn mörg og FH í sætinu fyrir ofan. Næsti leikur liðsins er gegn Grindvíkingum á Akranesvelli föstudaginn 24. maí.

Skagakonur nýttu færin sín vel