medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Bjarki Pétursson kylfingurinn knái úr Borgarnesi, Gísli Sveinbergsson og liðsfélagar þeirra í Kent State fögnuðu um helgina sigri á MAC Championship mótinu sem fram fór í bandaríska háskólagolfinu í Ohio fylki. Á golfvefnum Kylfingur.is er sagt frá því að upprunalega hafi átt að spila þrjá hringi, en þriðja hringnum var aflýst vegna veðurs og töldu því fyrstu tveir hringir mótsins. Báðir léku þeir Gísli og Bjarki vel í mótinu en Gísli endaði í öðru sæti á tveimur höggum undir pari og Bjarki varð í 9. sæti á fjórum höggum yfir pari eftir að hafa leikið seinni hringinn á tveimur höggum undir pari.

Lið strákanna, Kent State, varð jafnt Eastern Michigan liðinu í efsta sæti í liðakeppninni á 5 höggum yfir pari og fögnuðu því í raun bæði lið sigri. Hins vegar var einungis eitt sæti í boði á Regionals mótið sem fer fram dagana 12.-15. maí og þurfti því að skoða skorið hjá versta leikmanninum í báðum liðum til að skera úr um sigurvegara. Þannig öðluðust liðsmenn Kent Sate sæti í Regionals mótinu og hafa þeir Gísli og Bjarki nú komist í mótið öll sín fjögur ár í háskólanum sem er frábær árangur.

Bjarki og Gísli fögnuðu sigri á MAC Championship