medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Kári og Skallagrímur áttust við í Vesturlandsslag í Lengjubikar karla í knattspyrnu á föstudagskvöld. Leikið var í Akraneshöllinni. Kári leikur sem kunnugt er í 2. deild en Skallagrímur tryggði sér sæti í 3. deildinni eftir síðasta keppnistímabil.

Borgnesingar fengu óskabyrjun þegar Pali Ervis kom Skallagrími yfir strax á 6. mínútu leiksins. Mikael Hrafn Helgason varð síðan fyrir því óláni að skora sjálfsmark á 18. mínútu og jafna þar með metin. Jafnræði var með liðunum það sem eftir lifði fyrri hálfleiks. Staðan var 1-1 í hálfleik en það átti heldur betur eftir að breytast í þeim síðari.

Hægt en örugglega tóku Káramenn yfir leikinn og þeir réðu lögum og lofum síðasta hálftímann eða svo. Brynjar Snær Pálsson kom Kára yfir á 57. mínútu. Hann var síðan aftur á ferðinni á 63. mínútu og enn og aftur á þeirri 67. Þrenna hjá Brynjari á aðeins tíu mínútum og Káramenn komnir í 4-1. Það var síðan Gylfi Brynjar Stefánsson sem rak smiðshöggið á góðan seinni hálfleik Kára með marki á 92. mínútu. Lokatölur urðu 5-1 fyrir Kára.

Stórsigur Kára á Skallagrími