medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Snæfellskonur komast ekki í úrslitakeppnina um Íslandsmeistaratitilinn eftir tap gegn toppliði Vals á útivelli í gærkvöldi, 82-56.

Fyrir leikinn var Snæfell í fimmta sæti með jafn mörg stig og KR í sætinu fyrir ofan. Snæfellskonur þurftu á sigri að halda í leiknum og jafnframt að treysta á hagstæð úrslit í leik KR og Keflavíkur sem fram fór á sama tíma. KR-konur töpuðu reyndar gegn Keflavík en þar sem tap varð einnig niðurstaðan fyrir Snæfell er ljóst að liðið kemst ekki í úrslitakeppnina að þessu sinni.

Leikur Snæfells og Vals var einstefna nánast frá fyrstu mínútu. Valsliðið náði yfirhöndinni í fyrsta leikhluta og hafði afgerandi forystu að honum loknum, 28-12. Ekki tók betra við hjá Snæfellskonum í öðrum fjórðungi og þær skoruðu aðeins 20 stig allan fyrri hálfleikinn. Á meðan skoraði Valur 49 stig og úrslit leiksins í reynd ráðin.

Snæfellskonur léku betur í þriðja leikhluta og náðu að minnka muninn í 19 stig fyrir lokafjórðunginn, 63-44. Í upphafi fjórða leikhluta náði Snæfell að minnka forskot heimaliðsins í 14 stig en nær komust þær ekki. Valur réði lögum og lofum það sem eftir lifði leiks og vann að lokum stórt, 82-56.

Angelika Kowalska og Helga Hjördís Björgvinsdóttir voru stigahæstar í liði Snæfells með 14 stig hvor. Katarina Matijevic skoraði tólf stig og tók sjö fráköst en aðrar höfðu minna.

Heather Butler fór mikinn í liði Vals, skoraði 30 stig og gaf átta stoðsendingar. Helena Sverrisdóttir skoraði tíu stig og tók ellefu fráköst, Ásta Júlía Grímsdóttir var með tíu stig og sjö fráköst og Dagbjört Dögg Karlsdóttir skoraði tíu stig og tók fimm fráköst.

Snæfellskonur léku án Kristen McCarthy í síðustu fjórum leikjum mótsins, en hún var frá keppni vegna höfuðhöggs. Munar um minna, því Kristen hefur verið einn besti leikmaður deildarinnar á tímabilinu. Snæfell lýkur keppni í Domino‘s deild kvenna í fimmta sæti með 32 stig jafn mörg stig og KR í sætinu fyrir ofan. Tæpara gat það varla verið.

Snæfell missti af úrslitakeppninni