medium

large

thumbnail

1536x1536

2048x2048

small

custom-size

Uppbygging á aðstöðu til jarðræktarrannsókna að hefjast á Hvanneyri

Hlutverk feðranna í fermingarundirbúningnum

Tap hjá ÍA á móti Fjölni í fyrsta leik í úrslitakeppninni

Jafnt hjá ÍA og Aftureldingu í Lengjubikarnum

„Vorum með blóm og gullfiska í vösum“

Rekstrarniðurstaða Hvalfjarðarsveitar jákvæð um 500 milljónir á síðasta ári

core/freeform

Samband íslenskra sveitarfélaga hefur mótmælt harðlega fyrirhugaðri skerðingu ríkisins á framlögum til Jöfnunarsjóðs sveitarfélaga. Sjóðurinn hefur það hlutverk að jafna fjárhagsstöðu milli sveitarfélaga og því mun skerðing á framlögum koma harðast niður á fámennum sveitarfélögum, einkum í dreifbýli. Samkvæmt samantekt sambandsins er áætlað að sveitarfélög á Vesturlandi verði af ríkisframlagi til útgjaldajöfnunar og vegna fasteignaskatts um samtals 331 milljón króna. Þar af skerðast greiðslur til Borgarbyggðar mest, eða um 105 milljónir króna, til Akraneskaupstaðar um 87 milljónir, til Snæfellsbæjar um 50, Stykkishólmsbæjar um 30 milljónir, Dalabyggðar um 28 milljónir, Grundarfjarðarbæjar um 22 milljónir, Eyja- og Miklaholtshrepps um 6,5 milljónir og Helgafellssveitar um 2,1 milljón. Skorradalshreppur og Hvalfjarðarsveit njóta ekki styrkja úr Jöfnunarsjóði.

Á fundi í byggðarráði Borgarbyggðar síðastliðinn fimmtudag var bókun stjórnar Sambands íslenskra sveitarfélaga kynnt og rætt um þau áhrif sem skerðingin mun hafa á fjárhag sveitarfélaga. Einnig var kynnt áætlun hagsviðs Sambands íslenskra sveitarfélaga um líklegt tekjutap sveitarfélaga vegna áforma fjármálaráðuneytisins um frystingu framlaga ríkisins til Jöfnunarsjóðs á árunum 2020 og 2021. Tekjutap Borgarbyggðar vegna þessara áætlana verður eins og fyrr segir rúmar 105 milljónir króna. „Byggðarráð Borgarbyggðar tekur efnislega undir bókun stjórnar Sambands íslenskra sveitarfélaga frá 15. mars sl. og lýsir undrun sinni á því að ríkisvaldið fyrirhugi einhliða inngrip í fjárhagsleg samskipti ríkis og sveitarfélaga. Þar til viðbótar er það skýrt að afleiðingar þeirrar aðferðarfræði sem ríkisvaldið leggur upp með í þessum efnum mun koma harðast niður á sveitarfélögum á landsbyggðinni, eins og áætlaðar niðurstöður fyrir Borgarbyggð eru glöggt dæmi um,“ segir í bókun byggðarráðs. „Ekki verður unað við þá framgöngu sem ríkisvaldið hefur sýnt í þessum efnum og hvetur byggðarráð Borgarbyggðar Samband íslenskra sveitarfélaga að standa vörð um hagsmuni sveitarfélaganna í þessu efni.“

Sveitarfélög á Vesturlandi verða af 330 milljónum úr Jöfnunarsjóði