Soffía G. Þórðardóttir ljósmóðir (t.h.) og Sólveig Ásta Gautadóttir, formaður Krabbameinsfélags Akraness.

Færði Krabbameinsfélagi Akraness peningagjöf

Soffía G. Þórðardóttir ljósmóðir fagnaði nýverið 70 ára afmæli sínu. Á afmælisdaginn afþakkaði hún gjafir en hafði þess í stað söfnunarkassa og tók við frjálsum framlögum. Alls söfnuðust í kassann 208.500 kr., sem Soffía ákvað að láta renna til Krabbameinsfélags Akraness og heiðra þannig minningu föður síns, Þórðar Jónssonar og systur sinnar, Agnesar Sigrúnar Þórðardóttur, sem bæði létust úr krabbameini með 16 daga millibili í janúar 1991.

„Stjórn krabbameinsfélagsins þakkar Soffíu kærlega fyrir hugulsemina og stuðninginn. Styrkurinn mun nýtast vel í komandi verkefni félagsins,“ segir í tilkynningu frá Krabbameinsfélagi Akraness.

Líkar þetta

Fleiri fréttir